എറണാകുളം: കൊച്ചി കോര്‍പ്പറേഷന്‍ അതിര്‍ത്തിയില്‍ അനധികൃതമായി സ്ഥാപിച്ചിരിക്കുന്ന പരസ്യ ബോര്‍ഡുകള്‍ ഉടനെ നീക്കം ചെയ്യാന്‍ ജില്ലാ കളക്ടര്‍ എസ്.സുഹാസ് നിര്‍ദ്ദേശം നല്‍കി. പൊതു സ്ഥലങ്ങളിലും നടപ്പാതകളിലും അനധികൃതമായി സ്ഥാപിച്ചിട്ടുള്ളതും ഗതാഗത തടസമുണ്ടാക്കുന്നതുമായ പരസ്യ ബോര്‍ഡുകളും ഹോര്‍ഡിംഗുകളും കണ്ടെത്തി നീക്കം ചെയ്യുന്നതിന് കോര്‍പ്പറേഷനിലെ ബന്ധപ്പെട്ട വകുപ്പുകള്‍ക്ക് നിര്‍ദ്ദേശം നല്‍കിയിട്ടുണ്ട്.
കേരള മുനിസിപ്പാലിറ്റി ആക്ടിലെ വ്യവസ്ഥകള്‍ പ്രകാരമാണ് നടപടി. ചട്ടം ലംഘിച്ച് സ്ഥാപിച്ചിട്ടുള്ള മുഴുവന്‍ ബോര്‍ഡുകളും ഉടനടി നീക്കം ചെയ്യണമെന്ന് താല്‍ക്കാലിക ഭരണ സമിതിയും തീരുമാനിച്ചതായി ജില്ലാ കളക്ടര്‍ അറിയിച്ചു.
