തിരുവനന്തപുരം: യൂണിടാക്കിന്റെ ഉപഹാരമായാണ് ശിവശങ്കറിന് ഐ ഫോണ് നല്കിയതെന്ന് ബിജെപി സംസ്ഥാന അധ്യക്ഷന് കെ. സുരേന്ദ്രന്. സര്ക്കാരും യൂണിടാക്കും തമ്മിലുള്ള ബന്ധമാണ് ഇതില് നിന്ന് വ്യക്തമാകുന്നത്. സന്തോഷ് നല്കിയ അഞ്ച് ഫോണില് ഒരെണ്ണം എവിടെയാണെന്ന് മുഖ്യമന്ത്രിക്ക് അറിയാം. മുഖ്യമന്ത്രിയുടെ ആപ്പിള് വാച്ച് എവിടെപ്പോയെന്നും കെ സുരേന്ദ്രന് ചോദിച്ചു.
സ്വര്ണ കടത്തിലും മയക്കുമരുന്ന് കേസിലും മുഖ്യമന്ത്രിയും സിപിഐഎം സിസിയും നല്കിയും നല്കിയ മറുപടി പരിഹാസ്യമാണ്. മുഖ്യമന്ത്രിയുടെ ഓഫീസില് നിന്ന് ബാഗേജ് വിട്ടുകിട്ടാന് വിളിച്ചെന്ന് വെളിപ്പെട്ടിട്ടും കള്ളം ആവര്ത്തിക്കുന്നു. മുഖ്യമന്ത്രി ഓഫീസില് കള്ളക്കടത്തുകാര് പല തവണ വന്നിട്ടും വിശദീകരണം നല്കുന്നില്ല. സ്വര്ണക്കടത്തില് ഉള്പ്പെട്ട മറ്റ് മന്ത്രിമാരുടെയും ഉദ്യോഗസ്ഥരുടെയും വിവരങ്ങള് ഉടന് പുറത്തുവിടുമെന്നും സുരേന്ദ്രന് പറഞ്ഞു.