വാഷിംഗ്ടണ്‍: അമേരിക്കയില്‍ ജോണ്‍സണ്‍ ആന്‍ഡ് ജോണ്‍സണ്‍ വികസിപ്പിച്ച ഒറ്റ ഡോസ് കോവിഡ് വാക്സിന് അംഗീകരിച്ചു. രാജ്യത്ത് അംഗീകാരം ലഭിക്കുന്ന മൂന്നാമത്തെ കോവിഡ് വാക്‌സിനാണിത്. ലോകത്ത് ആദ്യമായാണ് ഒറ്റ ഡോസ് കോവിഡ് വാക്സിന് ഉപയോഗത്തിന് അനുമതി ലഭിക്കുന്നത്.
ഫൈസര്‍, മോഡേണ വാക്‌സിനുകളേക്കാള്‍ വിലകുറഞ്ഞ വാക്‌സിനാണിത്. ഫ്രിഡ്ജില്‍ സൂക്ഷിക്കാമെന്ന മെച്ചവും ജോണ്‍സണ്‍ ആന്‍ഡ് ജോണ്‍സണ്‍ വാക്സിന് അവകാശപ്പെടുന്നു. കോവിഡ് വകഭേദങ്ങള്‍ക്കും ഫലപ്രദമാണെന്നാണ് കണ്ടെത്തിയിരിക്കുന്നത്.
ബെല്‍ജിയം കമ്പനിയായ ജാന്‍സനാണ് വാക്സിന് നിര്‍മ്മിച്ചത്. ജൂണ്‍ അവസാനത്തോടെ 100 ദശലക്ഷം ഡോസുകള്‍ നല്‍കാമെന്ന് കമ്പനി സമ്മതിച്ചിട്ടുണ്ട്. അതേസമയം ആവേശം നിറയ്ക്കുന്ന വാര്‍ത്താണിതെന്ന് പ്രസിഡന്റ് ജോ ബൈഡന്‍ പറഞ്ഞു. എന്നാല്‍ കോവിഡിനെതിരായ പോരാട്ടം അവസാനിപ്പിക്കരുതെന്നും അദ്ദേഹം പറഞ്ഞു.
