English മലയാളം

Blog

kuwait indian emassy

 

കുവൈത്ത് സിറ്റി: കുവൈത്തിലെ ഇന്ത്യന്‍ എംബസ്സി നാട്ടിലേക്ക് പോകാന്‍ ആഗ്രഹിക്കുന്ന പ്രവാസികളുടെ കണക്ക് ശേഖരിക്കുന്നു. അടുത്ത ദിവസങ്ങളില്‍ നാട്ടില്‍ പോകാന്‍ ഒരുങ്ങുന്നവര്‍ എംബസ്സിയില്‍ വീണ്ടും രജിസ്റ്റര്‍ ചെയ്യണമെന്ന് അധികൃതര്‍ നിര്‍ദേശിച്ചു.

വന്ദേഭാരത് ദൗത്യത്തിന് കീഴില്‍ നാട്ടില്‍ പോകാനായി നേരത്തെ നിരവധി പ്രവാസികള്‍ എംബസ്സിയില്‍ രജിസ്റ്റര്‍ ചെയ്തിരുന്നെങ്കിലും പലരും യാത്ര ചെയ്തിട്ടില്ല. ഇതേ തുടര്‍ന്നാണ് നാട്ടില്‍ പോകാന്‍ ഒരുങ്ങുന്ന പ്രവാസികളുടെ യഥാര്‍ത്ഥ കണക്കു ലഭ്യമാക്കുന്നതിന് വേണ്ടി എംബസി പുതിയ രജിസ്‌ട്രേഷന്‍ ഡ്രൈവ് ആരംഭിച്ചത്.

Also read:  ജൂലായ് 17 മുതല്‍ കുവൈത്തിലെ പള്ളികളില്‍ ജുമുഅ പുനരാരംഭിക്കും

അടുത്ത ദിവസങ്ങളില്‍ റീപാട്രിയേഷന്‍ വിമാനങ്ങളില്‍ ഇന്ത്യയിലെ വിവിധ സംസ്ഥാനങ്ങളിലേക്ക് യാത്ര പുറപ്പെടാന്‍ ആഗ്രഹിക്കുന്നവര്‍ എംബസ്സി വെബ്സൈറ്റില്‍ നല്‍കിയ ലിങ്കില്‍ പേര് ചെയ്യണമെന്ന് എംബസ്സി നിര്‍ദേശിച്ചു. പേര്, ഈ-മെയില്‍, കുവൈത്തിലെ ഫോണ്‍ നമ്പര്‍, വന്ദേഭാരത് ദൗത്യത്തിനായി നേരത്തെ രജിസ്റ്റര്‍ ചെയ്ത നമ്പര്‍, വിസ സ്റ്റാറ്റസ്, ഇന്ത്യയിലെ സംസ്ഥാനം, അടുത്തുള്ള വിമാനത്താവളം എന്നീ വിവരങ്ങള്‍ സഹിതം നവംബര്‍ അഞ്ചിനകം രജിസ്‌ട്രേഷന്‍ പൂര്‍ത്തിയാക്കണം.
വന്ദേഭാരത് ദൗത്യത്തിന്റെ ഭാഗമായി നേരത്തെ നടത്തിയ രജിസ്‌ട്രേഷന് പകരമല്ല പുതിയ നിര്‍ദേശം എന്നും ഇപ്പോഴത്തെ ശരിയായ ഡിമാന്‍ഡ് അറിയാന്‍ നിശ്ചിതകാലത്തേക്ക് നടത്തുന്ന വിവര ശേഖരണമാണിതെന്നും എംബസി വാര്‍ത്താകുറിപ്പില്‍ വ്യക്തമാക്കി.