English മലയാളം

Blog

hydrabad ipl

 

ഐ പി എൽ പോയന്റ് പട്ടികയിലെ രണ്ടാം സ്ഥാനക്കാരായ ഡൽഹിയെ നാണംകെടുത്തി ഏഴാം സ്ഥാനക്കാരായ ഹൈദരാബാദ്. ആദ്യം ബാറ്റിംഗിലും പിന്നെ ബൗളിംഗിലും ഡൽഹിയെ നിഷ്പ്രഭരാക്കിയ ഹൈദരാബാദ് 88 റൺസിനാണ് വിജയിച്ചത്‌. ജയിച്ച് ഒന്നാം സ്ഥാനത്തെത്താനുള്ള അവസരമാണ് ഡൽഹിക്ക് നഷ്ടമായത്.

സ്കോർ:
ഹൈദരാബാദ് 219/2 (20)
ഡൽഹി 131 (19)

ടോസ് നേടിയ ഡൽഹി ക്യാപ്റ്റൻ ശ്രേയസ് അയ്യർ ഹൈദരാബാദിനെ ബാറ്റിംഗിനയച്ചു. എന്നാൽ ഈ തീരുമാനം തെറ്റായെന്ന് തെളിയിക്കുന്നതായിരുന്നു ഹൈദരാബാദിൻ്റെ ബാറ്റിംഗ്. ഓപ്പണർമാരായ ഡേവിഡ് വാർനറും വൃദ്ധിമാൻ സാഹയും ഡൽഹി ബൗളർമാരെ നിഷ്ക്കരുണം ആക്രമിച്ചു. ആദ്യ അഞ്ച് ഓവറിൽ 50 കടന്ന ഹൈദരാബാദ് ഒമ്പതാം ഓവറിൽ നൂറിലെത്തി. വാർനർ 66(34) പുറത്തായ ശേഷമാണ് സ്കോറിംഗിന് അൽപമെങ്കിലും വേഗം കുറഞ്ഞത്. അധികം വൈകും മുമ്പ് ഹൈദരാബാദ് വീണ്ടും ആക്രമണം തുടങ്ങി. സാഹയ്‌ക്കൊപ്പം മനീഷ് പാണ്ഡെയും ചേർന്ന് സ്കോർ ഉയർത്തി. 45 ബോളിൽ 87 റൺസെടുത്താണ് സാഹ പുറത്തായത്. 44(31) റൺസുമായി പാണ്ഡെ പുറത്താകാതെ നിന്നു.

Also read:  കോവിഡ്-19: ഗോവയില്‍ ഇന്നുമുതല്‍ ഓഗസ്റ്റ് 10 വരെ ജനതാ കര്‍ഫ്യു

കൂറ്റൻ വിജയലക്ഷ്യം പിന്തുടർന്ന് ഇറങ്ങിയ ഡൽഹിയുടെ മുൻനിര ഹൈദരാബാദിൻ്റെ ബൗളിംഗ് ആക്രമണത്തിന് മുന്നിൽ തകർന്നടിഞ്ഞു. ഓപ്പണർ രഹാനെയ്ക്കും 26(19) ഋഷഭ് പന്തിനും 36(35) മാത്രമാണ് അൽപ്പമെങ്കിലും പിടിച്ചു നിൽക്കാനായത്. നാലോവറിൽ ഏഴ് റൺസ് മാത്രം വഴങ്ങി മൂന്ന് വിക്കറ്റെടുത്ത റഷീദ്ഖാനാണ് ഡൽഹിയെ തകർത്തത്. ഒടുവിൽ ഒരോവർ ബാക്കിനിൽക്കെ ഡൽഹിയുടെ ഇന്നിംഗ്സ് 131 റൺസിൽ അവസാനിച്ചു. ടൂർണമെൻ്റിൽ ആദ്യമായാണ് ഡൽഹി ഓൾഔട്ടാകുന്നത്. തോൽവിയോടെ ഡൽഹി മൂന്നാം സ്ഥാനത്തായി. ഹൈദരാബാദ് ആറാം സ്ഥാനത്തും എത്തി.