കെ.അരവിന്ദ്‌
സ്വന്തമായി ഒരു ഭവനം എന്നത്‌ ഏവരുടെയും സ്വപ്‌നമാണ്‌. എന്നാല്‍ ആ സ്വപ്‌നം യാഥാര്‍ത്ഥ്യമാക്കാന്‍ വലിയ യത്‌നം ആവശ്യമാണ്‌. നിരന്തരമായ കടലാസ്‌ ജോലികള്‍ക്കും ബാങ്ക്‌ ഉദ്യോഗസ്ഥരും അഭിഭാഷകരുമായുള്ള കൂടിക്കാഴ്‌ചകള്‍ക്കും പുറമെ നികുതി വലയുടെ സങ്കീര്‍ണതകളില്‍ കുരു ങ്ങാതിരിക്കാനുള്ള മുന്‍കരുതലും ആവശ്യമാണ്‌. ഒപ്പം നികുതി ആനുകൂല്യങ്ങളും നി ങ്ങള്‍ക്ക്‌ ലഭിക്കും. ഒരു ഭവനം സ്വന്തമാക്കുന്നതിന്‌ മുമ്പ്‌ ഇതിന്റെ വിവിധ വശങ്ങള്‍ മനസിലാക്കിയിരിക്കണം.
പല നികുതിദായകരും ഭവനവായ്‌പയുമായി ബന്ധപ്പെട്ട ചില നികുതി ആനുകൂല്യങ്ങള്‍ പ്രയോജനപ്പെടുത്താതെ പോകാറുണ്ട്‌. ഭവനവായ്‌പക്ക്‌ ലഭ്യമാകുന്ന നികുതി ഇളവുകളെക്കുറിച്ച്‌ ശരിയായി മനസ്സിലാക്കിയാല്‍ ഇത്തരം പിഴവുകള്‍ ഒഴിവാക്കാം.
ആദായനികുതി നിയമം സെക്ഷന്‍ 24 പ്രകാരം ഭവനവായ്‌പയുടെ പലിശയ്‌ക്ക്‌ നികുതിയിളവ്‌ ലഭ്യമാണ്‌. ഇഎംഐ തിരിച്ചടവ്‌ ചി ല മാസങ്ങളില്‍ മുടങ്ങിയാലും നികുതിയിളവ്‌ അവകാശപ്പെടാവുന്നതാണ്‌. വായ്‌പയുടെ പലിശ ഇനത്തിലുള്ള ബാധ്യത നിലനില്‍ക്കുന്നിടത്തോളം നികുതിയിളവിന്‌ അര്‍ഹതയുണ്ട്‌.
ഇങ്ങനെ നികുതിയിളവ്‌ നേടിയെടുക്കുമ്പോള്‍ വായ്‌പയെടുത്തിട്ടുള്ള ബാങ്കോ ധനകാര്യസ്ഥാപനമോ നല്‍കുന്ന പലിശ സര്‍ട്ടിഫിക്കറ്റിന്റെ പകര്‍പ്പ്‌ സൂക്ഷിക്കുന്നത്‌ നല്ലതായിരിക്കും. വായ്‌പാ തുക, പലിശ ബാധ്യ ത തുടങ്ങിയവ ഈ സര്‍ട്ടിഫിക്കറ്റില്‍ രേഖപ്പെടുത്തിയിരിക്കുന്നതിനാല്‍ ആദായനികുതി വകുപ്പില്‍ നിന്നും ഏതെങ്കിലും തരത്തിലു ള്ള ചോദ്യങ്ങളുണ്ടാവുകയാണെങ്കില്‍ ഈ സര്‍ട്ടിഫിക്കറ്റ്‌ ഉപയോഗിച്ച്‌ വിശദീകരണം നല്‍കാം.
ഭവനം വാങ്ങുകയോ നിര്‍മ്മിക്കുകയോ ചെയ്‌ത്‌ രണ്ട് വര്‍ഷത്തിനു ശേഷം വില്‍ക്കുകയാണെങ്കില്‍ ദീര്‍ഘകാല മൂലധന നേട്ട നികുതിയായിരിക്കും ബാധകമാവുക. നേരത്തെ മൂന്ന് വര്‍ഷത്തിന്‌ മുമ്പ്‌ വില്‍ക്കുകയാണെങ്കില്‍ ഹ്രസ്വകാല മൂലധന നേട്ട നികുതി നല്‍കേണ്ടതുണ്ടായിരുന്നു. അതേ സമയം ഭവനം വാങ്ങുകയോ നിര്‍ മ്മിക്കുകയോ ചെയ്‌തതിന്‌ ശേഷം അഞ്ച്‌ വര്‍ഷത്തിനുള്ളില്‍ വില്‍ക്കുകയാണെങ്കില്‍ നികുതി ആനുകൂല്യം നഷ്‌ടമാകും. നേരത്തെ നികുതി ഇളവായി നേടിയ തുക ഭവനം വിറ്റ വര്‍ഷത്തെ വരുമാനത്തിനൊപ്പം ചേര്‍ക്കേണ്ടിവരും.
അഞ്ച്‌ വര്‍ഷത്തിനുള്ളില്‍ വില്‍ക്കുകയാണെങ്കില്‍ നേരത്തെ നികുതിയിളവായി നേടിയെടുത്ത തുക വരുമാനത്തിനൊപ്പം ചേര്‍ക്കണമെന്ന വ്യവസ്ഥ 80 സിക്ക്‌ മാത്രമാണ്‌ ബാധകം. ആദ്യവര്‍ഷങ്ങളില്‍ ഇഎംഐയുടെ ഏറിയ പങ്കും പലിശയിനത്തിലേക്കാണ്‌ പോ കുന്നതെന്നതിനാല്‍ മൂലധനയിനത്തില്‍ തിരിച്ചടക്കുന്നത്‌ താരതമ്യേന ചെറിയ തുകയായിരിക്കും. ആദായനികുതി നിയമം 80 സി പ്രകാരം മൂലധനയിനത്തിലുള്ള തിരിച്ചടവിനാണ്‌ നികുതിയിളവ്‌ ലഭിക്കുന്നത്‌. മൂലധനയിനത്തിലുള്ള തിരിച്ചടവ്‌ ആദ്യവര്‍ഷങ്ങളില്‍ ഇഎംഐയുടെ ചെറിയ പങ്ക്‌ മാത്രമാണ്‌.
ഇഎംഐ അടയ്‌ക്കുന്നതു കൊണ്ടു മാത്രം നികുതി ആനുകൂല്യം ലഭിക്കില്ല. ഭവനത്തിന്റെ ഉടമ നിങ്ങളാണെങ്കില്‍ മാത്രമേ നികുതി ഇളവിന്‌ അര്‍ഹതയുണ്ടാകൂ. മാതാപിതാക്കളുടെയോ ജീവിത പങ്കാളിയുടെയോ ഉടമസ്ഥതയിലുള്ള ഭവനത്തിനായി എടുത്ത വായ്‌പയുടെ തിരിച്ചടവ്‌ നടത്തുന്നവര്‍ക്ക്‌ നികുതി ആനുകൂല്യം നഷ്‌ടമാകും. ഭവനം ഭാര്യയുടെയും ഭര്‍ത്താവിന്റെയും ഉടമസ്ഥതയില്‍ ആയിരിക്കുകയും ഇരുവരും സംയുക്തമായി ഭവനവായ്‌പയെടുക്കുകയും ചെയ്യുകയാണെങ്കില്‍ ഇരുവര്‍ക്കും നികുതിയിളവ്‌ അവകാശപ്പെടാം. അതേസമയം ജീവിതപങ്കാളിക്കൊപ്പം ഭവനത്തിന്റെ സംയുക്ത ഉടമസ്ഥത ഉണ്ടെങ്കില്‍ കൂടി വായ്‌പയെടുത്തത്‌ പങ്കാളിയുടെ പേരില്‍ മാത്രമാണെങ്കില്‍ നി ങ്ങള്‍ക്ക്‌ ഇളവ് ലഭിക്കില്ല.
ഭവനത്തിന്റെ നിര്‍മ്മാണ വേളയില്‍ തിരിച്ചടച്ച പലിശയ്‌ക്കുള്ള നികുതിയിളവിന്‌ കംപ്ലീഷന്‍ സര്‍ട്ടിഫിക്കറ്റ്‌ ലഭിച്ചതിന്‌ ശേഷമേ അര്‍ഹതയുണ്ടാവുകയുള്ളൂ. നിര്‍മ്മാണ വേളയില്‍ തിരിച്ചടച്ച പലിശയിന്‍മേലുള്ള നികുതിയിളവ്‌ ഭവനത്തിന്റെ നിര്‍മാണം പൂര്‍ത്തിയായതിന്‌ ശേഷമുള്ള ആദ്യത്തെ അഞ്ച്‌ വര്‍ഷം തുല്യമായി നേടിയെടുക്കാം. അതായത്‌ ഭവന നിര്‍മ്മാണം പൂര്‍ത്തിയായ വര്‍ഷ ത്തില്‍ ആ വര്‍ഷം തിരിച്ചടച്ച പലിശയും നി ര്‍മ്മാണ വേളയില്‍ തിരിച്ചടച്ച മൊത്തം പലിശയുടെ അഞ്ചിലൊന്നും ചേര്‍ത്ത്‌ നികുതിയിളവ്‌ നേടിയെടുക്കാം. ഇത്‌ അഞ്ച്‌ വര്‍ഷം തുടരാം.
