ദുബായ്: യു.എ.ഇയിലെ സ്വകാര്യ ആരോഗ്യകേന്ദ്രങ്ങള്‍, ക്ലിനിക്കുകള്‍ എന്നിവയുടെ പ്രവര്‍ത്തനം സംബന്ധിച്ച പരാതികള്‍ സമര്‍പ്പിക്കാന്‍ ആരോഗ്യ രോഗപ്രതിരോധ മന്ത്രാലയം പ്രത്യേക സംവിധാനം സജ്ജമാക്കി.ഉപഭോക്താക്കള്‍ക്ക് ഓണ്‍ലൈന്‍ വഴി പരാതികള്‍ ബോധിപ്പിക്കാനുള്ള ഇ-സിസ്റ്റമാണ് പുറത്തിറക്കിയത്.
ദുബായില്‍ നടക്കുന്ന ആഗോള സാങ്കേതിക പ്രദര്‍ശനം ജിടെക്‌സിലാണ് പുതിയ സംവിധാനം അവതരിപ്പിച്ചത്.രോഗികളും ബന്ധുക്കളുമടക്കം ഉപഭോക്താക്കള്‍ നല്‍കുന്ന പരാതികള്‍ മെഡിക്കല്‍ ലയബിലിറ്റി സമിതി പരിശോധിക്കും. ശേഷം ഉചിത നടപടികള്‍ സ്വീകരിക്കുമെന്ന് ആരോഗ്യ രോഗപ്രതിരോധ മന്ത്രാലയം അധികൃതര്‍ അറിയിച്ചു.
ആരോഗ്യ പരിപാലനം, ചികിത്സ, ആരോഗ്യകേന്ദ്രത്തിലെ സൗകര്യങ്ങള്‍, പെരുമാറ്റം എന്നിവ സംബന്ധിച്ച് പരാതികളുണ്ടെങ്കില്‍ ഇ-സിസ്റ്റം വഴി അധികൃതരെ അറിയിക്കാം. സംഭവം അന്വേഷിക്കാനും നിഗമനത്തിലെത്തുംമുമ്പ് ഇരു കക്ഷികളെ കേള്‍ക്കാനുമാണ് മെഡിക്കല്‍ ലയബിലിറ്റി സമിതി എന്ന പേരില്‍ ഒരു ന്യൂട്രല്‍ കമ്മിറ്റി. സമിതിയായിരിക്കും നടപടി സ്വീകരിക്കാന്‍ മെഡിക്കല്‍ ലൈസന്‍സിങ് കമ്മിറ്റിക്ക് റിപ്പോര്‍ട്ട് സമര്‍പ്പിക്കുകയെന്നും അധികൃതര്‍ വ്യക്തമാക്കി.
