കോവിഡ് ബാധിച്ച് തിരക്കഥാകൃത്ത് ഹരിപ്രസാദ് കൊളേരി അന്തരിച്ചു. ഡിസംബര് 16ന് കോവിഡ് പോസിറ്റീവ് ആയി കോഴിക്കോട് സ്വകാര്യ ആശുപത്രിയില് ചികില്സയിലായിരുന്നു. പിന്നീട് ഗിലന് ബാരി സിന്ഡ്രോം രോഗം വന്നതോടെയാണ് ആരോഗ്യം മോശമായത്.കുഞ്ഞിരാമന്റെ കുപ്പായം, പൂഴിക്കടകന് എന്നീ സിനിമകള്ക്ക് വേണ്ടി തിരക്കഥ രചിച്ചിട്ടുണ്ട്.
ഞായറാഴ്ച കോഴിക്കോട് മെഡിക്കല് കോളജിലേക്ക് മാറ്റിയ ഹരിപ്രസാദിന്റെ ആരോഗ്യനില ഇന്നലെ രാത്രി മുതല് അതീവ ഗുരുതരമായി തുടരുകയായിരുന്നു. സിദ്ദീഖ് ചേന്ദമംഗല്ലൂര് സംവിധാനം ചെയ്യുന്ന ‘ഗെടുഗദര്’ എന്ന സിനിമയുടെ തിരക്കഥ പൂര്ത്തീകരിച്ച് 2021 ഏപ്രിലില് ഷൂട്ടിങ് തുടങ്ങാനിരിക്കെയാണ് ഹരിപ്രസാദിന്റെ വിയോഗം.
ശവസംസ്കാരം വൈകീട്ട് കോവിഡ് മാനദണ്ഡ പ്രകാരം കോഴിക്കോട് മാവൂര് റോഡ് ശ്മശാനത്തില് നടക്കും.
