കൊച്ചി: സംസ്ഥാനത്ത് സ്വര്‍ണ വില സര്‍വകാല റെക്കോര്‍ഡ് നിരക്കിലേക്ക് ഉയര്‍ന്നിരിക്കുകയാണ്. പവന് 600 രൂപയാണ് ഇന്ന് ഒറ്റ ദിവസം കൊണ്ട് വര്‍ധിച്ചിരിക്കുന്നുത്. ഒരു പവന് സ്വര്‍ണത്തിന് 39,200 രൂപയാണ് ഇന്നത്തെ വിപണി നിരക്ക്. ഗ്രാമിന് 75 രൂപ വര്‍ധിച്ച് 4,900 രൂപയായി. ഇത്തരത്തിലാണ് സ്വര്‍ണ വിലയുടെ വര്‍ധനവെങ്കില്‍ അടുത്ത ദിവസങ്ങളില്‍ തന്നെ നാല്‍പ്പതിനായിരം പിന്നിടാനാണ് സാധ്യത.
എണ്ണ വില ഇടിയുന്നതിനാല്‍ സുരക്ഷിത നിക്ഷേപമെന്ന നിലയില്‍ സ്വര്‍ണ വില ഉയര്‍ന്നു കൊണ്ടിരിക്കുകയാണ്. ഈ വര്‍ഷം സ്വര്‍ണ വിലയില്‍ റെക്കോര്‍ഡ് മുന്നേറ്റമാണ് നടന്നത്. ഈ മാസം ജൂലൈ ആറിനായിരുന്നു ഏറ്റവും കുറഞ്ഞ നിരക്ക് രേഖപ്പെടുത്തിയിരുന്നത്. 35,800 രൂപയായിരുന്നു അന്നത്തെ നിരക്ക്. ആഗോള വിപണിയില്‍ തന്നെ സ്വര്‍ണവില എട്ട് വര്‍ഷത്തെ ഏറ്റവും ഉയര്‍ന്ന നിരക്കാണ് രേഖപ്പെടുത്തിയിരിക്കുന്നത്. കോവിഡ് പ്രതിസന്ധി തുടരുന്നതും രൂപയുടെ മൂല്യം കുറഞ്ഞതുമാണ് വില വര്‍ധനവിന്റെ പ്രധാന കാരണം.
