കൊച്ചി: സംസ്ഥാനത്ത് സ്വര്‍ണ്ണവിലയില്‍ വീണ്ടും വര്‍ധനവ്. എക്കാലത്തെയും ഏറ്റവും ഉയര്‍ന്ന നിരക്കാണ് ഇന്ന് രേഖപ്പെടുത്തിയിരിക്കുന്നത്. പവന് 160 രൂപ കൂടി റെക്കോര്‍ഡ് നിരക്കായ 36,760 രൂപയായി. ഗ്രാമിന് 20 രൂപ കൂടി 4595 രൂപയായി. ഈ വര്‍ഷം പവന് 7,760 രൂപയാണ് കൂടിയത്. കഴിഞ്ഞ തുടര്‍ച്ചയായ മുന്ന് ദിവസങ്ങളില്‍ സ്വര്‍ണ്ണ വിലയില്‍ മാറ്റമില്ലാതെ തുടരുകയായിരുന്നു. 36,600 രൂപ നിരക്കിലായിരുന്നു വ്യാപാരം നടന്നത്.
ആ മാസത്തെ ഏറ്റവും കുറഞ്ഞ വില രേഖപ്പെടുത്തിയത് ജൂലായ് ആറിനായിരുന്നു. പവന് 35,800 രൂപയായിരുന്നു അന്ന് രേഖപ്പെടുത്തിയത്. ജനുവരി ഒന്നിനായിരുന്നു ഈ വര്‍ഷത്തെ ഏറ്റവും കുറഞ്ഞ നിരക്ക് രേഖപ്പെടുത്തിയിരുന്നത്. കോവിഡ് പ്രതിസന്ധി തുടരുന്നതും രൂപയുടെ മൂല്യം കുറഞ്ഞതുമാണ് വില വര്‍ധനയ്ക്ക് കാരണം.
