മസ്കത്ത്: എയര് ബബിള് ധാരണ പ്രകാരം മസ്കത്തില് നിന്ന് വിവിധ ഇന്ത്യന് നഗരങ്ങളിലേക്ക് ബജറ്റ് വിമാന കമ്പനിയായ ഗോ എയര് സര്വീസ് പ്രഖ്യാപിച്ചു. ഒമാന് എയറിനും, സലാം എയറിനും, എയര് ഇന്ത്യക്കും, ഇന്ഡിഗോക്കും പിന്നാലെയാണ് ഗോ എയര് സര്വീസ് പ്രഖ്യാപിച്ചത്.
കേരളത്തില് കൊച്ചിയിലേക്കും കണ്ണൂരിലേക്കുമാണ് സര്വീസ്. കൂടാതെ മുംബൈയിലേക്കും ദല്ഹിയിലേക്കും വിമാനങ്ങളുണ്ട്. കൊച്ചിയിലേക്ക് വെള്ളിയാഴ്ചയും ഞായറാഴ്ചയും കണ്ണൂരിന് വ്യാഴാഴ്ചയും ശനിയാഴ്ചയുമാണ് സര്വീസ്. കൊച്ചിയിലേക്കുള്ള ആദ്യ സര്വീസ് ഒക്ടോബര് 18 ഞായറാഴ്ചയും കണ്ണൂരിലേക്കുള്ളത് ഒക്ടോബര് 22നുമാണ്. മുംബൈയിലേക്കും ദല്ഹിയിലേക്കും വ്യാഴാഴ്ചകളിലാണ് വിമാനങ്ങള്.
കോവിഡ് വ്യാപനത്തിന് മുമ്പ് മസ്കത്തില് നിന്ന് കണ്ണൂരിന് ഗോ എയര് സര്വീസ് നടത്തിയിരുന്നു. ബജറ്റ് വിമാന കമ്പനിയായ ഇന്ഡിഗോ ദല്ഹി, ലഖ്നൗ, മുംബൈ, ഹൈദരാബാദ്, കൊച്ചിന്, ചെന്നൈ എന്നിവിടങ്ങളിലേക്ക് മസ്കത്തില് നിന്ന് സര്വീസ് ആരംഭിച്ചിട്ടുണ്ട്.
