24 മണിക്കൂറിനിടെ യുഎഇയില് 1,621 പുതിയ കോവിഡ് കേസുകളും ഒരു മരണവും റിപ്പോര്ട്ട് ചെയ്തു. ഡിസംബര് ആദ്യവാരം കേവലം 50 ല് താഴേ പുതിയ കേസുകളാണ് യുഎഇയില് പ്രതിദിനം റിപ്പോര്ട്ട് ചെയ്തിരുന്നത്.
അബുദാബി: ഒമിക്രോണ് വ്യാപനം തടയുന്നതിന് ഗള്ഫ് രാജ്യങ്ങള് കര്ശന നിയന്ത്രണ നടപടികളുമായി രംഗത്ത്. വിദേശത്ത് നിന്നും വരുന്നവരിലാണ് ഒമിക്രോണ് കൂടുതലായും കണ്ടെത്തിയതെന്നതിനാല് യാത്രാ നിയന്ത്രണമാണ് യുഎഇ ഉള്പ്പടെയുള്ള രാജ്യങ്ങള് കൈക്കൊണ്ടത്. നൈജീരിയ ഉള്പ്പടെ നാലോളം രാജ്യങ്ങളില് നിന്നുള്ള വിമാന സര്വ്വീസുകള്ക്ക് യുഎഇ വിലക്കേര്പ്പെടുത്തിയിട്ടുണ്ട്.
#UAE announces 1,621 new #COVID19 cases, 585 recoveries and 1 death in last 24 hours #WamNews pic.twitter.com/9iexE8sJ1X
— WAM English (@WAMNEWS_ENG) December 25, 2021
ഒമിക്രോണ് കേസുകള് കൂടുതലായും റിപ്പോര്ട്ട് ചെയ്ത രാജ്യങ്ങളില് നിന്നുള്ള വിമാന സര്വ്വീസുകള്ക്ക് വിലക്ക് ഏര്പ്പെടുത്തിയും കോവിഡ് പ്രതിരോധ കുത്തിവെപ്പ് മൂന്നാം ഡോസ് എടുക്കുന്നതിനുള്ള ക്യാംപെയിനുകള് ആരംഭിച്ചതുമാണ് പുതിയ നടപടികള് .
രണ്ടു പ്രതിരോധ കുത്തിവെപ്പ് എടുത്ത ശേഷം ഒമ്പത് മാസം പൂര്ത്തിയാക്കിയവര്ക്ക് മൂന്നാം ഡോസ് നിര്ബന്ധിതമാക്കുകയാണ് രാജ്യങ്ങള് ചെയ്തത്.
ഒമാന്, സൗദി, ഖത്തര്, കുവൈറ്റ് എന്നീ രാജ്യങ്ങളില് മൂന്നാം ഡോസ് എടുക്കുന്നതിനുള്ള കര്ശന നിര്ദ്ദേശങ്ങള് പ്രഖ്യാപിച്ചു കഴിഞ്ഞു.
കോവിഡ് വൈറസിന്റെ ഡെല്റ്റ വകഭേദവുമായി താരതമ്യം ചെയ്യുമ്പോള് ഒമിക്രോണ് അത്ര അപകടകരമല്ലെന്നാണ് സൂചന. മൂന്നാം ഡോസ് എടുത്തു കഴിയുന്നതോടെ ഒമിക്രോണിനെ നേരിടുന്നതിനുള്ള ആന്റിബോഡികള് ഉണ്ടാകുന്നുണ്ടെന്നും പഠനങ്ങള് തെളിയിക്കുന്നു.
19 വയസ്സിനു മേല് പ്രായമുള്ള എല്ലാവര്ക്കും ബൂസ്റ്റര് ഡോസ് നിര്ബന്ധമാക്കുകയാണ് പോംവഴിയായി കണ്ടിട്ടുള്ളത്.
ഡിസംബര് രണ്ടാം വാരമാണ് ഒമാനിലും മറ്റും ആദ്യമായി ഒമിക്രോണ് രോഗബാധ സ്ഥിരീകരിച്ചത്. ഇതിനു ശേഷം ഗള്ഫ് രാജ്യങ്ങളില് എല്ലായിടത്തും കോവിഡ് കേസുകളുടെ എണ്ണം ക്രമാതീതമായി വര്ദ്ധിച്ചു വരുന്നതായണ് റിപ്പോര്ട്ടുകള് സൂചിപ്പിക്കുന്നത്.