ഇന്ത്യയില് നിന്ന് യുഎഇയിലേക്ക് വിമാന സര്വീസുകള് പുനരാരംഭിച്ചു. അബുദാബി, ദുബായ്, ഷാര്ജ എന്നിവിടങ്ങിലേക്കാണ് സര്വീസുകള്. 12 വയസ്സില് താഴെയുള്ള കുട്ടികള്ക്ക് അബുദാബി, ഷാര്ജ എന്നിവിടങ്ങളിലെത്താന് കോവിഡ് പരിശോധനാ ഫലം വേണ്ട. ഓഗസ്റ്റ് 1 മുതല് ദുബായിലും കുട്ടികള്ക്ക് കൊറോണ നെഗറ്റീവ് ഫലം ആവശ്യമില്ല.
യുഎഇയില് നിന്ന് ഇന്ത്യയിലേക്കും തിരിച്ചും വിമാന സര്വീസുകള് നടത്താന് ഇരുരാജ്യങ്ങളും നേരത്തെ തീരുമാനിച്ചിരുന്നു. ഇതനുസരിച്ച് ജുലൈ 26 വരെ കേരളം അടക്കമുള്ള സംസ്ഥാനങ്ങളില് നിന്ന് നിരവധിപേര് യുഎഇയില് തിരിച്ചെത്തിയിരുന്നു. ഈ സംവിധാനം ഓഗസ്റ്റ് 15 വരെ തുടരാനാണ് ഇപ്പോഴത്തെ നിര്ദ്ദേശം. ഐ സി എ, ജി ഡി ആര് എഫ് എ അനുമതി ഉള്ള താമസവിസക്കാര്ക്ക് മാത്രമാണ് യുഎഇയില് ഇപ്പോള് തിരിച്ചെത്താന് കഴിയുക.
അതേസമയം കാലാവധി കഴിഞ്ഞ അനുമതിയുമായി യാത്രയ്ക്ക് ശ്രമിക്കരുതെന്ന് എയര് ഇന്ത്യ എക്സ്പ്രസ്സ് അറിയിച്ചു. ടിക്കറ്റ് ബുക്ക് ചെയ്താല് റദ്ദാക്കാനാകില്ല. യാത്രയ്ക്ക് 96 മണിക്കൂര് മുമ്പുള്ള കോവിഡ്-19 പിസിആര് പരിശോധനാഫലം കരുതണം.
