കൊച്ചി: കള്ളപ്പണം വെളുപ്പിക്കല് കേസില് മുന് പ്രിന്സിപ്പല് സെക്രട്ടറി എം.ശിവശങ്കറിനെതിരെ എന്ഫോഴ്സ്മെന്റ് ഡയറക്ടറേറ്റ് ഇന്ന് കുറ്റപത്രം സമര്പ്പിക്കും. ശിവശങ്കറിന്റെ സ്വത്തുക്കള് കണ്ടുക്കെട്ടാന് കഴിഞ്ഞ ദിവസം ഇ.ഡി ഉത്തരവിട്ടിരുന്നു. കളളപ്പണം വെളുപ്പിക്കല് നിരോധന നിയമപ്രകാരമാണ് നടപടി.
ആദ്യപടിയായി സ്വപ്ന സുരേഷിന്റെ ബാങ്ക് ലോക്കറില് കണ്ടെത്തിയതും സന്ദീപ് നായരുടെ അക്കൗണ്ടില് നിന്നും കണ്ടെത്തിയത് ഉള്പ്പെടെ ഒരു കോടി എണ്പത് ലക്ഷം രൂപ ഇ.ഡി കണ്ടുകെട്ടി.
ശിവശങ്കറിന്റേത് കുറ്റകത്യങ്ങളിലൂടെ സമ്പാദിച്ച സ്വത്തുക്കളാണെന്നാണ് ഇ.ഡിയുടെ വാദം. 14 കോടിയിലധികം രൂപയുടെ സ്വത്ത് ശിവശങ്കര് സമ്പാദിച്ചെന്ന് ഇ.ഡി പറയുന്നു. സ്വര്ണക്കടത്തില് ശിവശങ്കറിനെതിരേ ശക്തമായ തെളിവുണ്ടെന്നും സ്വപ്ന സുരേഷിന്റെ ലോക്കറില്നിന്ന് കണ്ടെടുത്ത പണം ലൈഫ് മിഷനില് ശിവശങ്കറിന് ലഭിച്ച അഴിമതി പണമാണെന്നുമാണ് ഇ.ഡിയുടെ കണ്ടെത്തല്.