ബംഗളൂരു: കര്ണാടക കോണ്ഗ്രസ് അധ്യക്ഷന് ഡി.കെ ശിവകുമാറിന്റെ വീട്ടില് സിബിഐ റെയ്ഡ് നടത്തുന്നു. അനധികൃത സ്വത്ത് സമ്പാദന കേസുമായി ബന്ധപ്പെട്ടാണ് സിബിഐയുടെ പരിശോധന. ഇന്ന് രാവിലെയാണ് ബംഗളൂരു കനകപുരയിലെ ഡികെ ശിവകുമാറിന്റെ വീട്ടിലേക്ക് സിബിഐ സംഘം പരിശോധനയ്ക്കായി എത്തിയത്. പരിശോധന ഇപ്പോഴും തുടരുകയാണ്.
കര്ണാടകയില് ഉപതെരഞ്ഞെടുപ്പ് അടുത്തു വരുന്ന സാഹചര്യത്തില് കേന്ദ്ര ഏജന്സികളെ ഉപയോഗിച്ചുള്ള രാഷ്ട്രീയ ആക്രമണമാണ് ബിജെപി നടത്തുന്നതെന്ന് കോണ്ഗ്രസ് ആരോപിച്ചു. ശിവകുമാറിന്റെ സഹോദരന് ഡികെ സുരേഷിന്റെ വീട്ടിലും ഇതേസമയം സിബിഐ റെയ്ഡ് തുടരുകയാണ്.
