ക്രെഡിറ്റ്, ഡെബിറ്റ് കാര്‍ഡുകളോ വിവരങ്ങളോ കടയുടമയ്ക്ക് കൈമാറാതെ, സമ്പര്‍ക്കരഹിത സംവിധാനത്തിലൂടെ ഇടപാട് നടത്താന്‍ സൗകര്യമൊരുക്കി ഗൂഗിള്‍ പേ. ക്രെഡിറ്റ് -ഡെബിറ്റ് കാര്‍ഡ് ഗൂഗിള്‍ പേ ആപ്പില്‍ രജിസ്റ്റര്‍ ചെയ്താല്‍ ഈ സൗകര്യം ലഭ്യമാകും.
തുടക്കത്തില്‍ എസ്ബിഐ, ആക്‌സിസ് ബാങ്ക് കാര്‍ഡുടമകള്‍ക്കായിരിക്കും ഈ സേവനം ലഭ്യമാകുക. കാര്‍ഡ് സേവന കമ്പനിയായ വിസയുമായി ചേര്‍ന്നാണ് നിയര്‍ ഫീല്‍ഡ് കമ്യുണിക്കേഷന്‍ (എന്‍എഫ്‌സി) സംവിധാനത്തിലൂടെ പുതിയ സേവനം ലഭ്യമാക്കുന്നത്.
കൊടക് ഉള്‍പ്പെടെ കൂടുതല്‍ ബാങ്കുകള്‍ വൈകാതെ ഈ സംവിധാനം ലഭ്യമാക്കുമെന്നാണ് പ്രതീക്ഷിക്കുന്നത്. യുപിഐക്ക് പുറമെ കാര്‍ഡ് ഉപയോഗിച്ചും നേരിട്ട് ഇടപാടു നടത്താന്‍ ഗൂഗിള്‍ പേയിലൂടെ കഴിയുമെന്നതാണ് ഇതിന്റെ പ്രത്യേകത.
