English മലയാളം

Blog

world covid

 

വാഷിങ്ടണ്‍ ഡിസി: കഴിഞ്ഞ 24 മണിക്കൂറിനിടെ ആഗോളതലത്തില്‍ ആറ് ലക്ഷത്തിലധികം പേര്‍ക്ക് കോവിഡ് ബാധ സ്ഥിരീകരിച്ചു. 6,09,618 കോവിഡ് കേസുകള്‍ റിപ്പോര്‍ട്ട് ചെയ്തതായാണ് കണക്കുകള്‍ വ്യക്തമാക്കുന്നത്. ഇതോടെ ലോകത്ത് ആകെ 52,432,183 പേരാണ് കോവിഡ് ബാധിതരായത്. 36,675,532 പേര്‍ കോവിഡില്‍ നിന്ന് മുക്തിനേടിയപ്പോള്‍ ആകെ മരണസംഖ്യ 1,289,529 ആയി. നിലവില്‍ 14,467,122 പേരാണ് ചികിത്സയിലുള്ളത്.

Also read:  സെക്രട്ടറിയേറ്റിലെ തീപിടിത്തത്തില്‍ അസ്വാഭാവികതയില്ലെന്ന് പോലീസ്; അട്ടിമറിയെന്നതില്‍ സംശയമില്ലെന്ന് ചെന്നിത്തല

അതേസമയം കോവിഡ് കേസുകളുടെ എണ്ണത്തില്‍ മുന്‍പന്തിയില്‍ നില്‍ക്കുന്ന അമേരിക്കയില്‍ സ്ഥിതി വഷളായിക്കൊണ്ടിരിക്കുന്നതായാണ് റിപ്പോര്‍ട്ടുകള്‍ സൂചിപ്പിക്കുന്നത്. ഒരാഴ്ചയിലേറെയായി അമേരിക്കയിലെ പ്രതിദന കോവിഡ് കണക്ക് ഒരുലക്ഷത്തിലധികമാണ്. കഴിഞ്ഞ 24 മണിക്കൂറിനിടെ 140,985 പേര്‍ക്കാണ് വൈറസ് ബാധ ഏറ്റത്. ഈ സാഹചര്യം തുടര്‍ന്നാല്‍ വരുന്ന ഒരാഴ്ചയ്ക്കുള്ളില്‍ രാജ്യത്തെ ആശുപത്രികള്‍ നിറയുമെന്നാണ് ആരോഗ്യ രംഗത്തെ പ്രമുഖര്‍ നല്‍കുന്ന മുന്നിറിയിപ്പ്.

Also read:  ലോ​ക​ത്തെ കോ​വി​ഡ് ബാ​ധി​ത​രു​ടെ എ​ണ്ണം മൂ​ന്ന് കോ​ടി 70 ല​ക്ഷം കടന്നു

അമേരിക്കയില്‍ ആകെ 10,708,630 കോവിഡ് കേസുകളാണ് റിപ്പോര്‍ട്ട് ചെയ്തത്. 6,648,679 പേര്‍ കോവിഡ് മുക്തരായപ്പോള്‍ 247,397 പേരാണ് കോവിഡിന് കീഴടങ്ങിയത്. നിലവില്‍ 3,812,554 പേരാണ് ചികിത്സയില്‍ ഉള്ളത്. ടെക്‌സസ്, കലിഫോര്‍ണിയ, ഫ്‌ളോറിഡ, ന്യൂയോര്‍ക്, ഇല്ലിനോയിസ്, ജോര്‍ജിയ, നോര്‍ത്ത് കരോലിന, ടെന്നിസി, വിസ്‌കോസിന്‍, ന്യൂജഴ്‌സി എന്നീ സംസ്ഥാനങ്ങളാണ് അമേരിക്കയില്‍ കോവിഡ് ബാധിതരുടെ എണ്ണത്തില്‍ ആദ്യ പത്തിലുള്ളത്.