തിരുവനന്തപുരം: സംസ്ഥാനത്തെ കോവിഡ് നിയന്ത്രണങ്ങള്‍ ലംഘിക്കുന്നവര്‍ക്കുളള പിഴ കുത്തനെ കൂട്ടി സര്‍ക്കാര്‍. മാസ്‌ക് ധരിക്കാത്തത് അടക്കമുളള ലംഘനങ്ങള്‍ക്കുളള പിഴയാണ് വര്‍ധിപ്പിച്ചിരിക്കുന്നത്. മാസ്‌ക് ധരിക്കാത്തവര്‍ക്കുളള പിഴ 200ല്‍ നിന്നും 500 രൂപയാക്കി ഉയര്‍ത്തി.
500 രൂപ ഈടാക്കിയിരുന്ന കോവിഡ് നിയന്ത്രണ ലംഘനങ്ങള്‍ക്ക് 5000 രൂപ വരെയാണ് പിഴ തുക ഉയര്‍ത്തിയിട്ടുള്ളത്. ക്വാറന്റൈന്‍ ലംഘനം, നിയന്ത്രണം ലംഘിച്ചു കൂട്ടം ചേരല്‍, ലോക്ഡൗണ്‍ ലംഘനം എന്നിവയ്ക്ക് ഇനി മുതല്‍ വര്‍ധിപ്പിച്ച പിഴ അടയ്ക്കണം. വിവാഹ ചടങ്ങള്‍ക്ക് നിയന്ത്രണം തെറ്റിച്ച് പങ്കെടുത്താല്‍ പിഴത്തുക 5000 ആകും.
ഇതോടനുബന്ധിച്ച് സര്‍ക്കാര്‍ നേരത്തെ പാസാക്കിയ പകര്‍ച്ചലവ്യാധി നിയന്ത്രണ ഓര്‍ഡിനന്‍സ് ഭേദഗതി ചെയ്തു. പലയിടങ്ങളിലും ജനങ്ങള്‍ കോവിഡ് നിയമങ്ങള്‍ പാലിക്കാത്തതിനെ തുടര്‍ന്നാണ് പിഴ തുക വര്‍ധിപ്പിക്കുന്നത്.
