Web Desk
കൊച്ചി: എറണാകുളം ജില്ലയില് കോവിഡ് രോഗികളുടെ എണ്ണം കൂടുന്ന സാഹചര്യത്തില് കൊച്ചിയില് കര്ശന നിയന്ത്രണം ഏര്പ്പെടുത്തുന്നു. അത്യാവശ്യത്തിനല്ലാതെ പുറത്തിറങ്ങരുത്. പൊലീസും ആരോഗ്യവകുപ്പും സംയുക്തമായി പരിശോധന നടത്തും. സാമൂഹിക അകലം നിര്ബന്ധമായും പാലിക്കണമെന്ന് അധികൃതര് അറിയിച്ചു. എറണാകുളം മാര്ക്കറ്റില് കൂടുതല് പരിശോധന നടത്തും.
കൊച്ചിയിലെ കോവിഡിനെതിരെ ജാഗ്രത വേണമെന്ന് മന്ത്രി വി.എസ് സുനില്കുമാര് പറഞ്ഞു. മെട്രോ നഗരത്തില് വ്യാപനമായാല് സ്ഥിതി രൂക്ഷമാകും. രോഗലക്ഷണങ്ങള് മറച്ചുവെക്കുന്നവര്ക്കെതിരെ നടപടിയെടുക്കും. ജില്ലയില് നിലവില് സമൂഹവ്യാപനമുണ്ടായിട്ടില്ലെന്ന് മന്ത്രി പറഞ്ഞു.
അതേസമയം കായംകുളത്തും കടുത്ത നിയന്ത്രണങ്ങള് ഏര്പ്പെടുത്തി. കായംകുളം നഗരസഭ പൂര്ണമായും കണ്ടെയ്ന്മെന്റ് സോണ് ആക്കി. ഭരണിക്കാവ് പഞ്ചായത്തിലെ 5,13 വാര്ഡുകളും കണ്ടെയ്ന്മെന്റ് സോണ് ആണ്.
