മസ്കത്ത്: കള്ളപ്പണം വെളുപ്പിക്കുന്നതും, തീവ്രവാദപ്രവര്ത്തനങ്ങള്ക്ക് സാമ്പത്തിക സഹായം നല്കുന്നതും ഉള്പ്പടെയുള്ള പ്രവര്ത്തനങ്ങള് തടയുന്നതിനായി ഒമാനിലെ ക്യാപിറ്റല് മാര്ക്കറ്റ് അതോറിറ്റി പ്രത്യേക വകുപ്പ് രൂപീകരിച്ചതായി അറിയിച്ചു. രാജ്യത്തെ ഇത്തരം പ്രവര്ത്തനങ്ങള്ക്കെതിരെ നിയമ നടപടികള് കൈകൊള്ളുന്നതിനായി പുതിയ വകുപ്പിനെ ചുമതലപ്പെടുത്തും.
ഒമാനിലേക്ക് പുതിയ നിക്ഷേപകരെ ആകര്ഷിക്കുന്നതിന്റെ ഭാഗമായി, രാജ്യത്ത് കൃത്യമായ നിയമനടപടികളും, കാര്യനിര്വ്വഹണവും നടപ്പാകുന്ന പരിസ്ഥിതി സൃഷ്ടിക്കുന്നതിന്റെ ഭാഗമായാണ് ഈ നടപടിയെന്ന് ഇത് സംബന്ധിച്ച് സിഎംഎ പുറത്തിറക്കിയ അറിയിപ്പില് വ്യക്തമാക്കുന്നു. കള്ളപ്പണം വെളുപ്പിക്കുന്നത് തടയുന്നതിനും, തീവ്രവാദപ്രവര്ത്തനങ്ങള്ക്കുള്ള സാമ്പത്തിക സഹായം ചെറുക്കുന്നതിനും ആവശ്യമായ നടപടികളും, നിയമനിര്മ്മാണവും ഉറപ്പാക്കും.