തിരുവനന്തപുരം: സംസ്ഥാനത്ത് സിനിമാ തിയറ്ററുകള് ഉടന് തുറക്കില്ല. തിയറ്ററുകള് തുറക്കുന്നതിനോട് ചലച്ചിത്ര സംഘടനകള് വിയോജിപ്പ് പ്രകടിപ്പിച്ച സാഹചര്യത്തിലാണ് ഇത്. ഈ മാസം 15 ന് തിയറ്ററുകള് തുറക്കാന് കേന്ദ്രം അനുമതി നല്കിയിരുന്നു.
Also read: സംസ്ഥാനത്ത് ഒരു കോവിഡ് മരണം കൂടി: മരിച്ചത് കാസര്ഗോഡ് സ്വദേശി; ജില്ലയിലെ ആദ്യ കോവിഡ് മരണം
എന്നാല് കേരളത്തില് സാഹചര്യം അനുകൂലമല്ലെന്ന് സിനിമ മേഖലയിലെ സംഘടനകളുമായി കേരള ചലച്ചിത്ര കോര്പ്പറേഷന് നടത്തിയ ചര്ച്ചയില് വിലയിരുത്തി. നിലവിലെ കോവിഡ് വ്യാപനം കണക്കിലെടുത്താല് ഒരുമാസം കൂടിയെങ്കിലും തിയറ്ററുകള് അടഞ്ഞു കിടക്കും. ഒരുപക്ഷേ തുറന്നാല് സിനിമ കാണാന് ആളുകള് എത്തുമെന്ന് പ്രതിക്ഷയില്ലെന്നും യോഗത്തില് അഭിപ്രായം ഉയര്ന്നു.
