English മലയാളം

Blog

film

 

ചാക്കോച്ചൻ -മാർട്ടിൻ പ്രക്കാട്ട് ടീം ഒന്നിക്കുന്ന ത്രില്ലർ ചിത്രം ” നായാട്ട് ” ചിത്രീകരണത്തിനൊരുങ്ങുന്നു. ബെസ്റ്റ്അക്ടർ, എ ബി സി ഡി, ചാർളി എന്നീ മൂന്ന് വൻ വിജയങ്ങൾക്ക് ശേഷം 5 വർഷത്തെ ഇടവേളയ്ക്ക് ശേഷമാണ് മാർട്ടിൻ പ്രക്കാട്ട് വീണ്ടും സംവിധായക കുപ്പായം അണിയുന്നത് എന്നത് ഏറ്റവും ശ്രദ്ധേയമായ കാര്യമാണ്. ഓരോ സിനിമ കഴിയുമ്പോളും തന്റെ ലെവൽ കൂട്ടുന്ന സംവിധായകൻ ഇവിടെയും അത് തുടരും എന്നാണ് പ്രതീക്ഷ.

Also read:  എല്ലാ ജില്ലകളിലും പൊലീസ് ഉദ്യോഗസ്ഥർക്ക് മാത്രമായി ക്വാറൻറൈൻ കേന്ദ്രം

ജോസഫ് എന്ന സിനിമയുടെ നട്ടെല്ല് അതിന്റെ തിരക്കഥ തന്നെ ആയിരുന്നു എന്നതിൽ സംശയം ഇല്ല, അത് രചിച്ച ഷാഹി കബീർ വീണ്ടും എത്തുന്നു എന്നതും നായാട്ടിന്റെ മറ്റൊരു പ്രത്യേകത ആണ്. തിരക്കഥാകൃത്തും പോലീസ് കാരൻ ആയതുകൊണ്ട് തന്നെ പുള്ളിയുടെ നിരീക്ഷണങ്ങൾ കൂടി ജോസഫ് എന്ന സിനിമയെ മികച്ചതാക്കിയിട്ടുണ്ട് .നായാട്ട് എന്ന ചിത്രത്തിലും ചാക്കോച്ചൻ അവതരിപ്പിക്കുന്ന  പ്രവീൺ മൈക്കിള്‍ എന്ന നായക കഥാപാത്രവും ഒരു സിവിൽ പോലീസ് ഓഫീസർ തന്നെ ആണ്. തിരക്കഥയും സംവിധാനവും മിനിമം ഗ്യാരന്റീ ഉറപ്പ് പറയുമ്പോൾ ഛായാഗ്രഹണം ഷൈജു ഖാലിദ് കൂടി ആകുമ്പോൾ വിഷ്വൽ ട്രീറ്റ് ഉറപ്പ് ആണ് അണിയറയില്‍ ഒരുങ്ങുന്നത്.

Also read:  ശബരിമല നട നാളെ തുറക്കും

ചാക്കോച്ചൻ സമീപകാലത്ത് ചെയ്ത ത്രില്ലറുകൾ എല്ലാം തന്നെ നിരാശപ്പെടുത്തിയിട്ടില്ല എന്നതും എടുത്ത് പറയേണ്ട വസ്തുത ആണ്. ( വേട്ട, ടേക്ക് ഓഫ്‌, അഞ്ചാം പാതിരാ എന്നിവ ). ഇനി അഭിനേതാക്കളെ നോക്കിയാൽ ചാക്കോച്ചനോടൊപ്പം ജോജു ജോർജ്, നിമിഷാ സജയൻ എന്നിവരും പ്രധാന കഥാപാത്രങ്ങൾ ആയി എത്തുന്നു ,ഒപ്പം ഏതാനും പുതുമുഖങ്ങളും. കാടും രാത്രിയും ഒക്കെ ആണ് പശ്ചാത്തലം, പേര് നായാട്ട്, നായകൻ പോലീസ്.

Also read:  അജ്ഞാത വയര്‍ലസ് സന്ദേശം പിന്തുടര്‍ന്ന പോലീസുകാരന്‍ രക്ഷിച്ചത് ആറ് ജീവനുകള്‍

എന്തായാലും ചാക്കോച്ചന്റെ കരിയറിലെ മറ്റൊരു നാഴിക കല്ലായി മാറാൻ സാധ്യത ഉള്ള സിനിമ തന്നെ ആവും നായാട്ട്. ചാക്കോച്ചനിലെ അഭിനയപ്രതിഭയെ കൂടി ചൂഷണം ചെയ്യാൻ ഇടയുള്ള സിനിമയാവും ഇതെന്ന് ഈ അടുത്ത് ചാക്കോച്ചനും ഒരു അഭിമുഖത്തിൽ പറഞ്ഞിരുന്നു.