കരിപ്പൂരില് ഇന്ന് വീണ്ടും സ്വര്ണം പിടികൂടി. ഷാര്ജയില് നിന്നെത്തിയ രണ്ട് യാത്രക്കാരില് നിന്നായി ഒരു കിലോ 195 ഗ്രാം സ്വര്ണമാണ് പിടികൂടിയത്. കഴിഞ്ഞ ദിവസങ്ങളിലെല്ലാം കൊച്ചി, കോഴിക്കോട്, തിരുവനന്തപുരം, കണ്ണൂര് വിമാനത്താവളങ്ങളില് കടത്താന് ശ്രമിച്ച സ്വര്ണം പിടികൂടിയിരുന്നു.
കുഴമ്പ് രൂപത്തിലാക്കിയും അടിവസ്ത്രത്തിലും ദേഹത്തും ഒളിപ്പിച്ചുമാണ് എല്ലാവരും സ്വര്ണം കടത്തി കൊണ്ടു പോകാന് ശ്രമിക്കുന്നത്. കേരളത്തിലേക്ക് സ്വര്ണം കടത്താന് ശ്രമിക്കുന്നത് ഒന്നോ രണ്ടോ സംഘങ്ങളല്ലെന്നും വിപുലമായ ഒരു ശൃംഖല തന്നെ സ്വര്ണക്കടത്തിന് പിന്നിലുണ്ടെന്നും വ്യക്തമാക്കുന്നതാണ് ഈ സംഭവം.
തിരുവനന്തപുരം വിമാനത്താവളം വഴി സ്വര്ണം കടത്തിയ വന്സംഘം തന്നെ പിടിയിലാവുകയും എന്ഐഎ, കസ്റ്റംസ് തുടങ്ങിയ കേന്ദ്ര ഏജന്സികള് അന്വേഷണം സജീവമാക്കുകയും ചെയ്തിട്ടും സംസ്ഥാനത്ത് സ്വര്ണക്കടത്ത് തുടരുന്നത്.
