തിരുവനന്തപുരം: കേരളത്തില് ബുവേറി ചുഴലിക്കാറ്റിന്റെ വേഗം കുറയുന്നു. തെക്കന് തമിഴ്നാട് തീരം തൊട്ട അതിതീവ്ര ന്യൂനമര്ദ്ദം വീണ്ടും ദുര്ബലമായതോടെ കേരളത്തില് സാധാരണ മഴ മാത്രമെ ഉണ്ടാകൂ. കേരളത്തില് ഒരു ജില്ലയിലും റെഡ്, ഓറഞ്ച് അലര്ട്ട് ഇല്ല.
കേരളത്തിനുള്ള എല്ലാ ചുഴലിക്കാറ്റ് മുന്നറിയിപ്പുകളും പിന്വലിച്ചു. സംസ്ഥാനത്ത് ഒറ്റപ്പെട്ട കനത്ത മഴക്ക് മാത്രമാണ് ഇന്ന് സാധ്യത. അപൂര്വം ചില സ്ഥലങ്ങളില് മാത്രമാണ് ശക്തമായ മഴ ഉണ്ടാവുക. 10 ജില്ലകളില് യെല്ലോ അലര്ട്ട് ഉണ്ട്.
അതേസമയം ചുഴലിക്കാറ്റ് കണക്കിലെടുത്ത് അഞ്ച് ജില്ലകളില് പ്രഖ്യാപിച്ച പൊതു അവധിയില് മാറ്റമില്ല. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് അവധി. ദുരന്ത നിവാരണം, അവശ്യ സര്വ്വീസുകള്, തെരഞ്ഞെടുപ്പ് ജോലികള് എന്നിവയ്ക്ക് അവധി ബാധകമല്ല.
