തിരുവനന്തപുരം: പതിനാലാം കേരള നിയമസഭയുടെ ഇരുപത്തിരണ്ടാം സമ്മേളനം ആരംഭിച്ചു. ഗവര്‍ണറുടെ നയപ്രഖ്യാപനം ആരംഭിച്ചു. ബാനറുകളും പ്ലക്കാര്‍ഡുകളുമായി സഭയില്‍ പ്രതിപക്ഷം പ്രതിഷേധിച്ചു. സ്വര്‍ണക്കടത്ത്, അഴിമതിയുടെ കേന്ദ്രം മുഖ്യമന്ത്രിയും ഓഫീസുമെന്ന് എഴുതിയ ബാനറുകളാണ് പ്രതിപക്ഷം ഉയര്‍ത്തി പിടിച്ചത്. സ്പീക്കര്‍ക്കെതിരെയും പ്രതിപക്ഷം എഴുന്നേറ്റ് നിന്ന് മുദ്രാവാക്യം വിളിച്ചു.
അതേസമയം ഭരണഘടനാപരമായ കര്‍ത്തവ്യം നിറവേറ്റാന്‍ അനുവദിക്കണമെന്ന് ഗവര്‍ണര്‍ വ്യക്തമാക്കി. തുടര്‍ന്ന് ഗവര്‍ണറുടെ നയപ്രഖ്യാപന പ്രസംഗം പ്രതിപക്ഷം ബഹിഷ്‌ക്കരിച്ചു. പതിമൂന്ന് മിനുട്ടോളം മുദ്രാവാക്യം വിളിച്ചശേഷമാണ് പ്രതിപക്ഷത്തിന്റെ നീക്കം. നയപ്രഖ്യാപന പ്രസംഗം ബഹിഷ്‌ക്കരിച്ച പ്രതിപക്ഷം സഭാകവാടത്തില്‍ കുത്തിയിരുന്ന് പ്രതിഷേധിക്കുകയാണ്.
