കോഴിക്കോട്: കോഴിക്കോട് കോര്‍പ്പറേഷനിലെ 61ാം വാര്‍ഡായ വലിയങ്ങാടിയില്‍ മത്സരിച്ച അലന്‍ ശുഹൈബിന്റെ അച്ഛന്‍ ശുഹൈബ് പരാജയപ്പെട്ടു. യുഡിഎഫ് സ്ഥാനാര്‍ഥി എസ്.കെ അബൂബക്കറാണ് വലിയങ്ങാടിയില്‍ ജയിച്ചത്. ആര്‍എംപിയുടെ സ്ഥാനാര്‍ഥിയായിട്ടാണ് ശുഹൈബ് മത്സരിച്ചത്. എന്നാല്‍ വലിയങ്ങാടിയില്‍ ആര്‍എംപിക്ക് യുഡിഎഫിന്റെ പിന്തുണ ഉണ്ടായിരുന്നില്ല. യുപിഎ കേസില്‍ പ്രതി ചേര്‍ക്കപ്പെട്ട അലന്റെ പിതാവാണ് ശുഹൈബ്. കമ്മ്യൂണിസ്റ്റ് നയങ്ങളില്‍ നിന്ന് സിപിഎം വ്യതിചലിക്കുന്നതിനെതിരായിട്ടാണ് മത്സരിക്കാനിറങ്ങിയതെന്ന് ശുഹൈബ് നേരത്തെ പറഞ്ഞിരുന്നു.
