English हिंदी

Blog

aiswarya-kerala-yathra

 

തിരുവനന്തപുരം : പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരളാ യാത്ര നാളെ (2022021)തലസ്ഥാന ജില്ലയില്‍ പ്രവേശിക്കും. കഴിഞ്ഞ 31 ന് കാസര്‍ഗോഡ് നിന്നാരംഭിച്ച യാത്ര പതിമൂന്നു ജില്ലകളിലൂടെ ആവേശോജ്വല സ്വീകരണങ്ങള്‍ ഏറ്റുവാങ്ങിക്കൊണ്ടാണ് കേരത്തിന്റെ തലസ്ഥാനനഗരിയിലേക്ക് പ്രവേശിക്കുന്നത്.

നാളെ 9.30 ന് ജില്ലാ അതിര്‍ത്തിയായ മുക്കട ജംഗ്ഷനില്‍ ജില്ലയിലെ കോണ്‍ഗ്രസ് -യുഡിഎഫ് നേതാക്കള്‍ യാത്രയെ സ്വീകരിക്കും. അവിടെ നിന്ന് വാദ്യമേളങ്ങളുടെയും, ഇരുചക്ര വാഹനറാലിയുടെയും അകമ്പടിയോടെ രാവിലെ പത്ത് മണിക്ക് വര്‍ക്കലിയിലെത്തുന്നയാത്രക്ക് അവിടെ വെച്ച് ജില്ലയിലെ ആദ്യത്തെ സ്വീകരണം നല്‍കും. 11 മണിക്ക് ആറ്റിങ്ങലിലും ( മാമം), 12.30 ന് ചിറയന്‍കീഴിലുമാണ്( മംഗലപുരം) യാത്രക്ക് സ്വീകരണങ്ങള്‍ നല്‍കുന്നത്. ഉച്ചതിരഞ്ഞ് 3.30 ന് വാമനപുരത്തും ( വെഞ്ഞാറുംമൂട്) , 4.30 ന് നെടുമങ്ങാടും, 5.30 ന് അരുവിക്കരയിലുമാണ് സ്വീകരണം.

Also read:  അപവാദപ്രചാരണങ്ങളില്‍ ഭയന്ന് ജനങ്ങള്‍ക്ക് ഗുണമാകുന്ന ഒരു പദ്ധതിയും ഉപേക്ഷിക്കില്ല: മുഖ്യമന്ത്രി

പിറ്റേന്ന് ഞായറാഴ്ച രാവിലെ എട്ടുമണിക്ക് പ്രതിപക്ഷനേതാവിന്റെ ഔദ്യോഗിക വസതിയായ കന്റോണ്‍മെന്റ് ഹൌസില്‍ വിവിധ സാമൂഹ്യ സാംസ്‌കാരിക സംഘടനാ പ്രതിനിധികളുമായുള്ള കൂടിക്കാഴ്ചയും ആശയവിനിമയവും നടക്കും. 9 മണിക്ക്് പ്രതിപക്ഷ നേതാവിന്റെ വാര്‍ത്താ സമ്മളനം 11.30 കാട്ടാക്കട, 3.30 ഉച്ചക്കട, 4.30 നെയ്യാറ്റിന്‍കര, 5.30 ന് പാറശാലയില്‍ സമാപനം. 22 ന് പരിപാടികളില്ല. 23 ന് ശംഖുംമുഖത്തു ഐക്യ ജനാധിപത്യ മുന്നണി നേതൃനിരയുടെ സാന്നിധ്യത്തില്‍ വൈകീട്ട് 3.30 ന് രാഹുല്‍ ഗാന്ധി അഭിസംബോധന ചെയ്യുന്ന പടു കൂറ്റന്‍ റാലിയോടെ കേരളത്തിന്റെ രാഷ്ട്രീയ ഭൂമികയില്‍ വലിയ മാറ്റങ്ങള്‍ക്ക് നാന്ദി കുറിച്ച ഐശ്വര്യ കേരളാ യാത്രക്ക് തിരശീല വീഴും.

Also read:  കേരളത്തില്‍ കോവിഡ് വ്യാപനം, വീണ്ടും വഴിയടച്ച് തമിഴ്‌നാട് ; തിരുവനന്തപുരം-കന്യാകുമാരി അതിര്‍ത്തിയില്‍ ഇടറോഡുകള്‍ അടച്ചു