തിരുവനന്തപുരം: ലീഗ് വിരുദ്ധ പ്രസ്താവനയില് പ്രതികരണവുമായി സിപിഎം സംസ്ഥാന സെക്രട്ടറി എ.വിജയരാഘവന്. താന് പറഞ്ഞത് വാര്ഗീയവാദമല്ല. ന്യൂനപക്ഷ വര്ഗീയ ചേരിക്കായാണ് ജമാ അത്തെ ഇസ്ലാമി ശ്രമിക്കുന്നതതെന്നും അദ്ദേഹം പറഞ്ഞു.
ഇത് ബിജെപിയെ സഹായിക്കുന്ന അപകടകരമായ നിലപാടാണെന്നും താന് എതിര്ക്കുന്നത് മതാത്മക രാഷ്ട്രീയ ചേരിതിരിവിനെയാണെന്നും വിജയരാഘവന് പറഞ്ഞു. കോണ്ഗ്രസ് നേതൃത്വം പാണക്കാട് പോയത് മത മൗലിക വാദ മതാധിഷ്ഠിത രാഷ്ട്രീയ കൂട്ടുകെട്ട് ശക്തമാക്കാനെന്ന ആരോപിച്ച വിജയരാഘവന്റെ പരാമര്ശം കോണ്ഗ്രസ് രാഷ്ട്രീയ ആയുധമാക്കിയിരുന്നു.
വിജയരാഘവന്റെ പ്രസ്താവനയെ വിമര്ശിച്ച് പ്രതിപക്ഷ നേതാവ് രമേശ് ചെന്നിത്തല, ഉമ്മന്ചാണ്ടി അടക്കമുള്ള കോണ്ഗ്രസ് നേതാക്കള് രംഗത്തെത്തിയിരുന്നു. വിജയരാഘവന് എന്തിനെയും വര്ഗീയവത്ക്കരിക്കാനാണ് ശ്രമിക്കുന്നതെന്നും പാണക്കാട് പോകാന് കഴിയാത്തതിന്റെ നിരാശയാണ് വിജയരാഘവനെക്കൊണ്ട് വര്ഗീയത പറയിക്കുന്നതെന്നും ഉമ്മന്ചാണ്ടി വിമര്ശിച്ചിരുന്നു.
