കൊച്ചി: സ്വര്ണക്കടത്ത് കേസില് സ്വപ്നയ്ക്ക് നിര്ണായക പങ്കുണ്ടെന്ന് എന്ഐഎ ഹൈക്കോടതിയില്. സന്ദീപിനും സരിത്തിനും കേസില് പങ്കുണ്ടെന്നും സ്വപ്നയെ കസ്റ്റഡിയില് വേണമെന്നും കേന്ദ്രം വ്യക്തമാക്കി. സ്വപ്നയുടെ മുന്കൂര് ജാമ്യഹര്ജി പരിഗണിക്കുന്നത് കോടതി ചൊവാഴ്ചത്തേക്ക് മാറ്റി.കേസ് എന്ഐഎ ഏറ്റെടുത്ത പശ്ചാത്തലത്തില് മുന്കൂര് ജാമ്യാപേക്ഷയ്ക്ക് പ്രസക്തിയില്ലെന്ന് കേന്ദ്രം കോടതിയെ അറിയിച്ചു.
ഓണ്ലൈന് വഴിയാണ് സ്വപ്ന മുന്കൂര് ജാമ്യഹര്ജി നല്കിയത്. ജാമ്യഹര്ജിയില് യു.എ.ഇ കോണ്സുല് ജനറലിന്റെ ചുമതലയുള്ള ഉദ്യോഗസ്ഥനെതിരായാണ് സ്വപ്ന ആരോപണം ഉന്നയിക്കുന്നത്. കോണ്സുല് ജനറലിനായി വന്ന ബാഗേജ് വിട്ടുകൊടുക്കുന്നത് വൈകിയതിനെ തുടര്ന്ന് അദ്ദേഹത്തിന്റെ ആവശ്യപ്രകാരം ഇടപെടുക മാത്രമാണ് ചെയ്തിട്ടുള്ളത്.
സ്വര്ണക്കടത്തുമായി തനിക്ക് ബന്ധമില്ലെന്നും മുഖ്യമന്ത്രിയുടെ ഓഫീസിനെതിരായ ആരോപണങ്ങള് മാധ്യമസൃഷ്ടിയാണെന്നും സ്വപ്ന ചൂണ്ടിക്കാട്ടി. അന്വേഷണവുമായി സ്വപ്ന ഏതുരീതിയിലും സഹകരിക്കുമെന്നും സ്വപ്ന അറിഞ്ഞു..
കേന്ദ്ര സര്ക്കാരിന്റെ പ്രത്യേക നിര്ദ്ദേശപ്രകാരം അഡ്വ.കെ. രാംകുമാറാണ് കസ്റ്റംസിന് വേണ്ടി കോടതിയില് ഹാജരായത്. കോണ്സുലേറ്റിന്റെ ചാര്ജുള്ള വ്യക്തിയുടെ നിര്ദേശ പ്രകാരം താന് ഈ സംഭവത്തില് ഇടപെട്ടതായി സ്വപ്ന തന്നെ ജാമ്യപേക്ഷയിലൂടെ സമ്മതിച്ചിട്ടുണ്ടന്ന് കസ്റ്റംസ് കോടതിയെ അറിയിച്ചു. സ്വര്ണക്കടത്ത് കേസിലെ പ്രധാന പ്രതിയെന്ന് സംശയിക്കുന്ന സ്വപ്നയ്ക്കും സന്ദീപിനും വേണ്ടിയുള്ള തിരച്ചില് കസ്റ്റംസ് ഊര്ജി തമാക്കുന്നതിനിടെയാണ് മുന്കൂര് ജാമ്യാപേക്ഷ ഹൈക്കോടതി പരിഗണിച്ചത്.
ജൂണ് 30നാണ് 30 കിലോ സ്വര്ണമടങ്ങിയ ബാഗേജ് തിരുവന്തുപുരം വിമാനത്താവളത്തിലെ കാര്ഗോ കോംപ്ലക്സിലെത്തിയത്. ബാഗേജ് വിട്ടുകിട്ടാതെ വന്നതോടെ കസ്റ്റംസിനെ ബന്ധപ്പെടാന് യു.എ.ഇ കോണ്സുലേറ്റി ന്റെ ചാര്ജുള്ള വ്യക്തി ആവശ്യപ്പെട്ടു. ഇതനുസരിച്ച് കസ്റ്റംസ് അസി.കമ്മീഷണറെ താന് ബന്ധപ്പെട്ടെന്ന് മുന്കൂര് ജാമ്യഹര്ജിയില് സ്വപ്ന വ്യക്തമാക്കിയിരുന്നു.
