മസ്കത്ത് : ഒമാനില് അനധികൃത തൊഴിലാളികളെയും തൊഴില് നിയമലംഘനങ്ങളും കണ്ടെത്തുന്നതിനായി തൊഴില് മന്ത്രാലയം കഴിഞ്ഞ വര്ഷം നടത്തിയത് 1599 പരിശോധനാ ക്യാംപെയ്നുകള്. 810 പ്രവാസി തൊഴിലാളികളെ നാടുകടത്തുകയും ചെയ്തു. ദോഫാര് ഗവര്ണറേറ്റിലെ തൊഴില് മന്ത്രാലയം ജനറല് ഡയറക്ടറേറ്റ് ഓഫ് ലേബറിലെ ജോയിന്റ് ഇന്സ്പെക്ഷന് ടീം ഓഫിസ് വഴിയായിരുന്നു പരശോധനകള് ഊര്ജിതമാക്കിയിരുന്നത്.പരിശോധനയിലൂടെ 3,853 നിയമലംഘനങ്ങളാണ് രേഖപ്പെടുത്തിയത്. 499 തൊഴിലാളികള് ജോലി ഉപേക്ഷിച്ചതായും 768 പേര് റജിസ്റ്റര് ചെയ്ത തൊഴിലുടമകള്ക്ക് പുറമെ മറ്റ് തൊഴിലുടമകള്ക്ക് വേണ്ടി ജോലി ചെയ്യുന്നതായും കണ്ടെത്തി. സ്വയം തൊഴില് ചെയ്യുന്നവരോ താമസാനുമതി കാലാവധി കഴിഞ്ഞവരോ ആയ 1,886 കേസുകളും രജിസ്റ്റര് ചെയ്തു. 453 റിപ്പോര്ട്ടുകള് കൂടുതല് നിയമനടപടികള്ക്കായി മന്ത്രാലയം പബ്ലിക് പ്രോസിക്യൂഷന്കൈമാറുകയും ചെയ്തു.
ബോബി ചെമ്മണ്ണൂരിന് ജാമ്യമില്ല; റിമാൻഡിൽ
January 9, 2025
