റേഷൻ കടകളിലെ പുഴുവരിച്ച ചാക്കുകൾ ഭക്ഷ്യവകുപ്പ് തിരികെ എടുത്തുതുടങ്ങി

തി​രു​വ​ന​ന്ത​പു​രം: കോ​വി​ഡ് പ്ര​തി​രോ​ധ​ത്തി​ന്‍റെ ഭാ​ഗ​മാ​യി റേ​ഷ​ൻ ക​ട​ക​ളി​ലെ​ത്തി​ച്ച പു​ഴു​വ​രി​ച്ച അ​രി​ച്ചാ​ക്കു​ക​ൾ ക​ട​ക​ളി​ൽ​നി​ന്ന് ഭ​ക്ഷ്യ​വ​കു​പ്പ് നീ​ക്കി​ത്തു​ട​ങ്ങി. ആ​ദ്യ​ഘ​ട്ട​ത്തി​ൽ തി​രു​വ​ന​ന്ത​പു​രം നെ​ടു​മ​ങ്ങാ​ട് താ​ലൂ​ക്കി​ലെ റേ​ഷ​ൻ ക​ട​ക​ളി​ലു​ണ്ടാ​യി​രു​ന്ന മു​ന്നൂ​റോ​ളം ചാ​ക്കു​ക​ളാ​ണ് താ​ലൂ​ക്ക് സ​പ്ലൈ ഓ​ഫി​സ​റു​ടെ​യും റേ​ഷ​നി​ങ് ഇ​ൻ​സ്പെ​ക്ട​ർ​മാ​രു​ടെ​യും നേ​തൃ​ത്വ​ത്തി​ൽ ബു​ധ​നാ​ഴ്ച നീ​ക്കി​യ​ത്.

ജി​ല്ല സ​പ്ലൈ ഓ​ഫി​സ​ർ​മാ​ർ ന​ൽ​കി​യ റി​പ്പോ​ർ​ട്ടിന്‍റെ അ​ടി​സ്ഥാ​ന​ത്തി​ൽ വ​രും ദി​വ​സ​ങ്ങ​ളി​ൽ മ​റ്റ് ജി​ല്ല​ക​ളി​ലെ മോ​ശം ചാ​ക്കു​ക​ളും നീ​ക്കു​മെ​ന്നും കേ​ടാ​യ ഭ​ക്ഷ്യ​ധാ​ന്യ​ങ്ങ​ൾ​ക്ക് പ​ക​ര​മു​ള്ള​വ അ​ടി​യ​ന്ത​ര​മാ​യി ക​ട​ക​ളി​ൽ എ​ത്തി​ക്കു​മെ​ന്നും അ​ധി​കൃ​ത​ർ അ​റി​യി​ച്ചു. ക​ഴി​ഞ്ഞ​ മാ​സ​മാ​ണ് സ്പെ​ഷ​ൽ റേ​ഷ​​ന്‍റെ ഭാ​ഗ​മാ​യി മൂ​ന്നു​വ​ർ​ഷം പ​ഴ​ക്ക​മു​ള്ള ചാ​ക്ക​രി, ഗോ​ത​മ്പ് എ​ന്നി​വ വാ​തി​ൽ​പ​ടി​യാ​യി ക​ട​ക​ളി​ലെ​ത്തി​യ​ത്. ചാ​ക്കു​ക​ളി​ൽ​നി​ന്ന് ദു​ർ​ഗ​ന്ധം വ​മി​ച്ച​തി​നെ​തു​ട​ർ​ന്ന് വ്യാ​പാ​രി​ക​ൾ പ​രി​ശോ​ധി​ച്ച​പ്പോ​ഴാ​ണ് പ​ല​തും പു​ഴു​വ​രി​ച്ച​നി​ല​യി​ൽ ക​ണ്ട​ത്.

ഇ​തി​ൽ പ​ല​തും എ​ഫ്.​സി.​ഐ​യു​ടെ ടാ​ഗി​ല്ലാ​തെ ഗോ​ഡൗ​ണി​ലെ തൊ​ഴി​ലാ​ളി​ക​ളെ​കൊ​ണ്ട് തു​ന്നി​ക്കെ​ട്ടി​ച്ച​വ​യാ​യി​രു​ന്നു. ഇ​തു​സം​ബ​ന്ധി​ച്ച് ജൂ​ൺ 10 ന് ‘​മാ​ധ്യ​മം’ വാ​ർ​ത്ത പു​റ​ത്തു​വി​ട്ട​തോ​ടെ​യാ​ണ് ഭ​ക്ഷ്യ​മ​ന്ത്രി പി. ​തി​ലോ​ത്ത​മ​ൻ അ​ന്വേ​ഷ​ണ​ത്തി​ന് ഉ​ത്ത​ര​വി​ട്ട​ത്.സി​വി​ൽ സ​പ്ലൈ​സ് ഡ​യ​റ​ക്ട​റു​ടെ അ​ന്വേ​ഷ​ണ​ത്തി​ൽ സം​സ്ഥാ​ന​ത്തെ വി​വി​ധ ഗോ​ഡൗ​ണു​ക​ളി​ൽ​നി​ന്ന് ക​ട​ക​ളി​ലെ​ത്തി​യ ചാ​ക്കു​ക​ളി​ൽ പ​ല​തും മോ​ശ​മാ​ണെ​ന്ന് ക​ണ്ടെ​ത്തി. തി​രു​വ​ന​ന്ത​പു​ര​ത്തെ നെ​ടു​മ​ങ്ങാ​ട് സ​പ്ലൈ​കോ​യു​ടെ മൂ​ന്ന് ഗൗ​ഡൗ​ണു​ക​ളി​ലാ​യി മാ​ത്രം ഏ​ക​ദേ​ശം 18200 ചാ​ക്ക് ഭ​ക്ഷ്യ​ധാ​ന്യ​ങ്ങ​ളാ​ണ് ന​ശി​ച്ച​ത്.

മാ​വേ​ലി​ക്ക​ര എ​ഫ്.​സി.​ഐ ഗോ​ഡൗ​ണി​ൽ​നി​ന്ന് കാ​ർ​ത്തി​ക​പ്പ​ള്ളി താ​ലൂ​ക്കി​ലെ​ത്തി​ച്ച ചാ​ക്കു​ക​ളി​ലും തൃ​ശൂ​രും സ​മാ​ന​രീ​തി​യി​ൽ മോ​ശം ചാ​ക്കു​ക​ൾ ക​ണ്ടെ​ത്തി.എ​ഫ്.​സി.​ഐ​യി​ൽ​നി​ന്ന് ആ​ദ്യ​മാ​ദ്യ​മെ​ത്തു​ന്ന അ​രി ക​ട​ക​ളി​ലേ​ക്ക് ക്ര​മ​മാ​യി വി​ത​ര​ണം ചെ​യ്ത​തി​ലു​ണ്ടാ​യ പി​ഴ​വാ​ണ് കോ​ടി​ക​ളു​ടെ ന​ഷ്​​ട​ത്തി​ന് കാ​ര​ണ​മെ​ന്നും ഉ​ദ്യോ​ഗ​സ്ഥ​രു​ടെ അ​ലം​ഭാ​വം കൊ​ണ്ട് ന​ശി​ച്ച ചാ​ക്കു​ക​ളാ​ണ് ജൂ​ണി​ൽ വാ​തി​ൽ​പ​ടി വി​ത​ര​ണ​ത്തി​െൻറ മ​റ​വി​ൽ ന​ല്ല ചാ​ക്കു​ക​ൾ​ക്കൊ​പ്പം ക​ട​ക​ളി​ലേ​ക്ക് ക​യ​റ്റി​വി​ട്ട​തെ​ന്നും റി​പ്പോ​ർ​ട്ടി​ലു​ണ്ടാ​യി​രു​ന്നു.

ഇ​തി​നെ​തു​ട​ർ​ന്നാ​ണ് മോ​ശം ചാ​ക്കു​ക​ളു​ടെ എ​ണ്ണം തി​ട്ട​പ്പെ​ടു​ത്തി, പ​ക​രം സാ​ധ​ന​ങ്ങ​ൾ മാ​റ്റി​ന​ൽ​കാ​ൻ ജി​ല്ല സ​പ്ലൈ ഓ​ഫി​സ​ർ​മാ​രോ​ട് മ​ന്ത്രി നി​ർ​ദേ​ശി​ച്ച​ത്.ഗോ​ഡൗ​ണി​ൽ​നി​ന്ന് വാ​തി​ൽ​പ​ടി​യാ​യി എ​ത്തു​ന്ന ചാ​ക്കു​ക​ൾ വ്യാ​പാ​രി​ക​ൾ പ​രി​ശോ​ധി​ച്ച് മാ​ത്ര​മേ ക​ട​യി​ലേ​ക്ക് ഇ​റ​ക്കാ​വൂ​യെ​ന്നും എ​ഫ്.​സി.​ഐ ടാ​ഗി​ല്ലാ​ത്ത ചാ​ക്കു​ക​ൾ കൈ​പ്പ​റ്റ​രു​തെ​ന്നും ഭ​ക്ഷ്യ​മ​ന്ത്രി​യു​ടെ ഓ​ഫി​സ് അ​റി​യി​ച്ചു.