മദ്യപിച്ചു വീട്ടിലെത്തി ബഹളം വച്ചതുമായി ബന്ധപ്പെട്ട തര്‍ക്കത്തിനിടെയാണ് സംഭ വം. ചെമ്മണ്ണൂര്‍ മൂക്കനോലില്‍ ജനീഷ് (38) ആണ് മരിച്ചത്. കോട്ടയം മെഡിക്കല്‍ കോ ളേജ് ആശുപത്രിയില്‍ എത്തിച്ചെങ്കിലും പുലര്‍ച്ചെ ജനീഷ് മരിച്ചു
ഇടുക്കി : വീട്ടില്‍ മദ്യപിച്ചെത്തി ബഹളം വെച്ച മകന്‍ അച്ഛന്റെ വെട്ടേറ്റ് മരിച്ചു. മൂക്കനോലില്‍ ജെനീഷ് (38) ആണ് മരിച്ചത്. ഇന്നലെ രാത്രി ഏഴ് മണിയോട് കൂടിയാണ് സംഭവം. മദ്യലഹരിയി ലെത്തിയ ജനീഷ് അച്ഛനേയും സ്വന്തം മക്കളെയും മര്‍ദ്ദിച്ചു. മക്കളെ മര്‍ദ്ദിക്കുന്നത് തടയാനായി എത്തിയ ജനീഷിന്റെ അച്ഛന്‍ തമ്പി വീട്ടിലുണ്ടായിരുന്ന വാക്കത്തി എടുത്ത് വീശിയപ്പോള്‍ ജനീ ഷിന് കൈക്ക് വെട്ടേല്‍ക്കുകയായിരുന്നു. ജിനീഷ് മദ്യപിച്ചെത്തി വീട്ടിലുള്ളവരെ ഉപദ്രവിക്കുന്നത് പതിവായിരുന്നു.
കോട്ടയം മെഡിക്കല്‍ കോളേജ് ആശുപത്രിയിലേക്ക് എത്തിച്ചെങ്കിലും പുലര്‍ച്ചെ ജനീഷ് മരിച്ചു. ആശുപത്രിയിലേക്ക് പോകും വഴിയും ആശുപത്രിയിലെത്തിയപ്പോഴും ജനീ ഷ് ഛര്‍ദ്ദിച്ചിരുന്നു വെന്ന് പൊലീസിന് വിവരം ലഭിച്ചിട്ടുണ്ട്. അതിനാല്‍ മരണകാരണം വെട്ടേറ്റതാണോ എന്ന് പറയാന്‍ കഴിയില്ല. പോസ്റ്റ്‌മോര്‍ട്ടം റിപ്പോര്‍ട്ടിന് ശേഷം മാത്ര മേ ഇത് പറയാനാകൂ. തമ്പിയെ ഇന്ന് രാവിലെ പൊലീസ് കസ്റ്റഡിയിലെടുത്തിട്ടുണ്ട്. പോസ്റ്റ്‌മോര്‍ട്ടം റിപ്പോര്‍ട്ട് ലഭിച്ചാല്‍ മാത്രമെ മരണകാരണം വ്യക്തമാകൂ.
