ഐടി മേഖലയില്‍ 67,000 തൊഴിലവസരം സൃഷ്ടിക്കുമെന്ന് മുഖ്യമന്ത്രി പിണറായി വിജയന്‍. 63 ലക്ഷം ചതുരശ്രയടി ഐടി ഇടമൊരുക്കും. ആഗോളതല ത്തില്‍ പ്രമുഖ സ്ഥാപനമായി ഐബിഎസ് ഉയര്‍ന്നത് കേരളം നിക്ഷേപ സൗഹാര്‍ദമാണെന്നതിന്റെ ഉദാഹരണമാണെന്നും അദ്ദേഹം പറഞ്ഞു
തിരുവനന്തപുരം : ഐടി മേഖലയില്‍ 67,000 തൊഴിലവസരം സൃഷ്ടിക്കുമെന്ന് മുഖ്യമന്ത്രി പിണറാ യി വിജയന്‍. 63 ലക്ഷം ചതുരശ്രയടി ഐടി ഇടമൊരുക്കും. ആഗോളതലത്തില്‍ പ്രമുഖ സ്ഥാപനമാ യി ഐബിഎസ് ഉയര്‍ന്നത് കേരളം നിക്ഷേപ സൗഹാര്‍ദമാണെന്നതിന്റെ ഉദാഹരണമാണെന്നും അദ്ദേഹം പറഞ്ഞു. ഐബിഎസ് സോഫ്റ്റ് വെയറിന്റെ രജത ജൂബിലി ആഘോഷം ഉദ്ഘാടനം ചെയ്യുകയായിരുന്നു അദ്ദേഹം.
നിക്ഷേപകര്‍ക്ക് മികച്ച അവസരമാണ് കേരളത്തിലുള്ളത്. സേവന, ഐടി മേഖലകളിലെ വ്യവസാ യങ്ങള്‍ക്ക് സര്‍ക്കാര്‍ വലിയ പ്രാധാന്യം നല്‍കുന്നു. ആറു വര്‍ഷത്തിനി ടെ സ്റ്റാര്‍ട്ടപ്പുകളുടെ എണ്ണം 300ല്‍ നിന്ന് 3900 ആയി. ഇന്‍കുബേറ്ററുകളും ആക്‌സിലറേറ്ററുകളും സ്ഥാപിച്ചും ഗ്രാന്റുകളും സീ ഡ് ഫണ്ടിങ്ങും നല്‍കിയും കോര്‍പസ് ഫണ്ട് സ്ഥാപിച്ചുമാണ് വളര്‍ച്ച കൈവരിക്കാനായത്. 55 ജീവന ക്കാരുമായി പ്രവര്‍ത്തനം ആരംഭിച്ച ഐബിഎസ് ഇന്ന് മൂവായിരത്തഞ്ഞൂറിലധികം ജീവനക്കാരു മായി ആഗോളതലത്തിലേക്ക് വളര്‍ന്നെന്നും മുഖ്യമന്ത്രി പറഞ്ഞു.
ഐബിഎസ് സ്ഥാപകനും എക്‌സിക്യൂട്ടീവ് ചെയര്‍മാനുമായ വി കെ മാത്യൂസ്, മുകേഷ് മേത്ത (ബ്ലാക്ക് സ്റ്റോണ്‍), അര്‍മിന്‍ മെയര്‍ (ബോയ്ഡന്‍), ഡോ. ഗോട്ടല്‍മാന്‍ (ലുഫ്താന്‍സ കാര്‍ഗോ), ഐബിഎസ് സിഇഒ ആനന്ദ് കൃഷ്ണന്‍ എന്നിവര്‍ സംസാരിച്ചു.
