യുഎഇയില്‍ കോവിഡ് കേസുകള്‍ കുറയുന്നു, പ്രതിദിന കേസുകള്‍ ആയിരത്തില്‍ താഴേ . കഴിഞ്ഞ രണ്ട് ദിവസമായി പ്രതിദിന കേസുകള്‍ ആയിരത്തില്‍ താഴേയാണ്.
അബുദാബി : യുഎഇയിലെ കോവിഡ് കേസുകളില്‍ കുറവ്. പ്രതിദിന കേസുകളുടെ എണ്ണം ആയിരത്തില്‍ താഴെയൈത്തി.
കഴിഞ്ഞ 24 മണിക്കൂറിനിടെ യുഎഇയില്‍ റിപ്പോര്‍ട്ട് ചെയ്തത് 994 പേര്‍ക്കാണ്. 1038 പേര്‍ രോഗമുക്തി നേടി. 2,19,858 പേര്‍ക്കാണ് പിസിആര്‍ ടെസ്റ്റ് നടത്തിയത്, ഇതില്‍ 994 പേര്‍ക്കാണ് കോവിഡ് സ്ഥിരീകരിച്ചത്.
ഇരുപത്തിനാലു മണിക്കൂറിനിടെ മരണങ്ങളൊന്നും റിപ്പോര്‍ട്ട് ചെയ്തിട്ടില്ല. രണ്ടു മാസത്തെ ഇടവേളയ്ക്ക് ശേഷമാണ് ഇപ്പോള്‍ പ്രതിദിന കേസുകള്‍ ആയിരത്തില്‍ താഴെയെത്തിയത്.
കഴിഞ്ഞ ജൂണ്‍ ഒമ്പതിനാണ് പ്രതിദിന കേസുകള്‍ ആയിരത്തിനു മുകളിലെത്തിയത്. ഇതിനു മുമ്പ് ഫെബ്രുവരി പതിനാലിനായിരുന്നു കേസുകള്‍ ആയിരത്തിനു മേലെ റിപ്പോര്‍ട്ട് ചെയ്തിരുന്നത്.
കോവിഡ് കേസുകളുടെ എണ്ണം കൂടിയതിനെ തുടര്‍ന്ന് നിയന്ത്രണങ്ങളില്‍ ഇളവുകള്‍ നല്‍കിയത് റദ്ദാക്കിയിരുന്നു. മുഖാവരണം ധരിക്കാനും സാമൂഹിക അകലം പാലിക്കാനും ആരോഗ്യ മന്ത്രാലയം നിര്‍ദ്ദേശം നല്‍കുന്നുണ്ട്.
