ചാമ്പ്യന്‍ഷിപ്പിനുള്ള സൗഹൃദ മത്സരങ്ങള്‍ക്കായി ഖത്തര്‍ ടീം തീവ്രപരിശീലനത്തില്‍
ദോഹ : ലോകകപ്പ് ഫുട്‌ബോള്‍ ചാമ്പ്യന്‍ഷിപ്പിനുള്ള അതിഥേയ ടീമായ ഖത്തറിന്റെ സന്നാഹ മത്സരങ്ങളില്‍ രണ്ടെണ്ണത്തിന്റെ തീയ്യതി ഫിഫ നിശ്ചയിച്ചു.
സെപ്തംബര്‍ 23 ന് കാനഡയുമായും 27 ന് ചിലിയുമായിട്ടാണ് മത്സരം. മൂന്നാമത്തെ മത്സരം ആരുമായിട്ടാണെന്ന് ഫിഫ വെളുപ്പെടുത്തിയിട്ടില്ല. മത്സര വേദി ഒ!ാസ്ട്രിയയാണ്.
ലോകകപ്പിനായുള്ള മൂന്നാം ഘട്ട തയ്യാറെടുപ്പിന്റെ ഭാഗമായാണ് സൗഹൃദ മത്സരം സംഘടിപ്പിച്ചിരിക്കുന്നത്.
ഖത്തറിന്റെ ആദ്യ സന്നാഹ മത്സരങ്ങള്‍ സ്‌പെയിനിലിയായിരുന്നു. രണ്ടാം ഘട്ടം ഓസ്ട്രിയയിലാണ്. യൂറോപ്യന്‍ ക്ലബ്ബുകളുമായാണ് രണ്ടാംഘട്ടത്തിലെ മത്സരങ്ങള്‍. മൂന്നാം ഘട്ടത്തിനായി ഖത്തര്‍ ടീം ഓസ്ട്രിയയില്‍ തുടരും.
ലോകകപ്പ് ചാമ്പ്യന്‍ഷിപ്പിന്റെ എ ഗ്രൂപ്പിലാണ് ഖത്തര്‍. ആതിഥേയരായ ഖത്തറിന്റെ ആദ്യ മത്സരം നവംബര്‍ 21 ന് ഇക്വഡോറുമായാണ്.
