ലൈഫ് മിഷന്‍ കേസില്‍ സ്വര്‍ണക്കടത്ത് കേസ് പ്രതി സ്വപ്ന സുരേഷിന് സിബിഐ നോട്ടീസ്.തിങ്കളാഴ്ച പത്തരയ്ക്ക് കൊച്ചിയിലെ ഓഫീസില്‍ എത്തണമെന്നാണ് നോട്ടീസ്. കഴിഞ്ഞ ദിവസം കേസിലെ മറ്റൊരു പ്രതിയായ സരിത്തിനും സിബിഐ നോട്ടീസ് നല്‍കിയിരുന്നു
തിരുവനന്തപുരം: ലൈഫ് മിഷന്‍ കേസില്‍ സ്വര്‍ണക്കടത്ത് കേസ് പ്രതി സ്വപ്ന സുരേഷിന് സിബിഐ നോട്ടീസ്.തിങ്കളാഴ്ച പത്തരയ്ക്ക് കൊച്ചിയിലെ ഓഫീസില്‍ എത്തണമെന്നാണ് നോട്ടീസ്. കഴിഞ്ഞ ദിവസം കേസിലെ മറ്റൊരു പ്രതിയായ സരിത്തിനും സിബിഐ നോട്ടീസ് നല്‍കിയിരുന്നു.
ഗൂഢാലോചനക്കേസിലെ ക്രൈംബ്രാഞ്ച് അന്വേഷണസംഘത്തിനും മുഖ്യമന്ത്രിയ്ക്കുമെതിരെ ഇന്നലെ സ്വപ്ന രംഗത്തെത്തിയിരുന്നു. ക്രൈംബ്രാഞ്ച് തന്നെ ചോദ്യം ചെ യ്യലിന്റെ പേരില്‍ വേട്ടയാടുന്നുവെന്നും മാനസികമായി പീഡിപ്പിച്ചെന്നും കലാപക്കേസില്‍ വരെ പ്രതിയാക്കുമെന്ന് ഭീഷണിപ്പെടുത്തിയതായും സ്വപ്ന വെളിപ്പെടു ത്തിയിരുന്നു.
അഡ്വ.കൃഷ്ണരാജുമായുള്ള വക്കാലത്ത് ഒഴിവാക്കാന്‍ ആവശ്യപ്പെട്ടുവെന്നും വീണ വിജയന്റെ സാമ്പത്തി ക കൈമാറ്റങ്ങളുടെ രേഖ ആവശ്യപ്പെട്ടുവെന്നും സ്വപ്ന കൂട്ടിച്ചേര്‍ത്തു. എച്ച്ആര്‍ഡിഎസ്സുമായുള്ള ബ ന്ധം ഉപേക്ഷിക്കാന്‍ ക്രൈംബ്രാഞ്ച് ആവശ്യപ്പെട്ടു. കമ്പനിയിലെ പെണ്‍കുട്ടികളെ ബുദ്ധിമുട്ടിച്ചു. തന്നെ നിലനിര്‍ത്താന്‍ കമ്പനി പരമാവധി ശ്രമിച്ചുവെന്നും സ്വപ്ന പറഞ്ഞിരുന്നു.
അതേസമയം പുതിയ വെളിപ്പെടുത്തലുകളുടെ പശ്ചാത്തലത്തില്‍ തന്റെ സുരക്ഷ കേന്ദ്ര സര്‍ക്കാര്‍ ഉറ പ്പാക്കണമെന്നാവശ്യപ്പെട്ട് പ്രതി സ്വപ്നാ സുരേഷ് നല്‍കിയ ഹര്‍ജി എറണാകുളം പ്രിന്‍സിപ്പല്‍ സെഷ ന്‍സ് കോടതി ഇന്ന് വീണ്ടും പരിഗണിക്കും. കേന്ദ്ര സുരക്ഷ നല്‍കാനാകില്ലെന്ന് ഇഡി കഴിഞ്ഞ ദിവസം വ്യക്തമാക്കിയിരുന്നു.
