അഞ്ച് സംസ്ഥാനങ്ങളിലെ തിരഞ്ഞെടുപ്പ് കഴിഞ്ഞാല് ഇന്ധന വില ഉയര്ത്തുമെന്ന വാര്ത്തകള്ക്കിടയിലാണ് പൊതുമേഖലാ എണ്ണക്കമ്പനികളുടെ നഷ്ടകണക്കുകള്
പുറത്ത് വരുന്നത്.
ന്യൂഡെല്ഹി : ഇന്ധന വില നിശ്ചയിക്കുന്നത് വിപണി വിലയെ അനുസൃതമായതിനാല് ഇപ്പൊഴത്തെ സാഹചര്യത്തില് രാജ്യത്ത് പെട്രോളിന് ലിറ്ററിന് നിലവിലുള്ളതിനേക്കാള് പന്ത്രണ്ട് രൂപയെങ്കിലും വര്ദ്ധിക്കേണ്ടതാണെന്ന് വിദഗ്ദ്ധര്.
എന്നാല്, അഞ്ച് സംസ്ഥാനങ്ങളില് തിരഞ്ഞെടുപ്പു നടക്കുന്നതിനാലാണ് ഈ വില വര്ദ്ധനവ് നടപ്പിലാക്കത്തതെന്ന് വ്യാപകമായി ചര്ച്ച ചെയ്യുന്നുണ്ട്. ഇതിനു മുമ്പും രാജ്യത്ത് നിര്ണായക തിരഞ്ഞെടുപ്പുകള് നടക്കുന്ന വേളയില് ഇന്ധന വിലയില് മാറ്റമില്ലാതെ നിലനിന്നിരുന്നതും ഇവര് ചൂണ്ടിക്കാട്ടുന്നു.
രാജ്യത്ത് 2021 നവംബര് നാലിനു ശേഷം പെട്രോള് ഡീസല് വിലയില് യാതൊരു മാറ്റവും വരുത്തിയിട്ടില്ല. എന്നാല്, ഇക്കാലയളവില് ആഗോള വിപണിയില് ക്രൂഡോയില് വില കുത്തനെ വര്ദ്ധിക്കുകയും ചെയ്തു.
യുക്രെയിനെതിരെ റഷ്യ നടത്തുന്ന ആക്രമണം, ക്രൂഡോയില് ഉത്പാദനം ഒപെക് രാജ്യങ്ങള് നിയന്ത്രിച്ചു നിര്ത്തിയത് എല്ലാംബ്രന്റ് ക്രൂഡോയില് വില വര്ദ്ധനവിന് കാരണമായി. എന്നാല്, ഇക്കാലയളവില് രാജ്യത്തെ ഇന്ധന വിലയില് യാതൊരു മാറ്റവും സംഭവിച്ചിട്ടില്ലായിരുന്നു.
പുതിയ സംവിധാനം അനുസരിച്ച് രാജ്യാന്തര വിപണിക്ക് ആനൂപാതികമായാണ് എല്ലാ ദിവസവും പെട്രോള്, ഡീസല് വില പുനര് നിര്ണയിക്കുന്നതാണ്.
2022 മാര്ച്ച് പതിനാറിന് എണ്ണ കമ്പനികളുടെ കണ്സോര്ഷ്യം വില പുനര് നിര്ണയം നടത്തുമെന്നും പെട്രോളിന് ലിറ്ററിന് പന്ത്രണ്ട് രൂപയെങ്കിലും വര്ദ്ധിപ്പിക്കുമെന്നാണ് സൂചന.
അതേസമയം, കേന്ദ്ര സര്ക്കാര് എക്സൈസ് തീരുവ കുറച്ചാല് വലിയ വില വര്ദ്ധനവ് തടയാനാകുമെന്നാണ് വിദഗ്ദ്ധര് പറയുന്നത്. നേരത്തെ, ഇത്തരത്തില് എക്സൈസ് തീരുവ കുറച്ച് വില കുറച്ചിരുന്നു.
ഇറക്കുമതി ചെലവും ക്രൂഡോയില് സംസ്കരിക്കുന്ന ചെലവും മറ്റും പരിഗണിക്കുമ്പോള് റീട്ടേയില് വില കുറവാണ്.
പൊതുമേഖലാ മാര്ക്കറ്റിംഗ് കമ്പനികള് ഒരു ലിറ്ററിന് മേല് 4,92 രൂപ നഷ്ടം സഹിക്കുകയാണ് ഇപ്പോള്. മാര്ച്ച് 12 ന് ഇത് ലിറ്ററിന് 10 രൂപയും ഏപ്രില് ഒന്നിന് 12.60 രൂപയുമാകും. ഇത് നികത്താതെ മറ്റു പോവംഴികളുമില്ല.
ഇന്ധന വില ഉയര്ത്തുമ്പോള്, ജനങ്ങള്ക്ക് വലിയ ഭാരമാകും ഉണ്ടാകുക. നിത്യോപയോഗ സാധനങ്ങളുടെ വിലയും കുതിച്ചുയരും റീട്ടെയില് ഇന്ഫ്ളേഷനെ ഇത് ബാധിക്കുന്നത് സമ്പദ് വ്യവസ്ഥയേയും ബാധിക്കും.
ഇതിനാല് സര്ക്കാര് ഇടപെടല് അനിവാര്യമാണ്. കേന്ദ്ര എക്സൈസ് നികുതി കുറയ്ക്കുക മാത്രമാണ് സര്ക്കാരിനുമുമ്പുള്ള ബദല് മാര്ഗം.
Brent crude oil price
1st of November: $68
1st of December: $77
1st of January: $89
1st of February: $97
Now: $116
— Ukraine news 24/7 (@UkraineNews247) March 4, 2022
രാജ്യാന്തര വിപണിയിലെ ബ്രെന്റ് ക്രൂഡോയില് വില ബാരലിന് 116 ഡോളറാണ്. 2021 നവംബറില് ഇത് ബാരലിന് 60 ഡോളര് മാത്രമായിരുന്നു. ഇൗ നിലയില് നിന്ന് നാലു മാസത്തിനുള്ളില് വില ഇരട്ടിയോളം ഉയര്ന്നു കഴിഞ്ഞു. എന്നാല് ആനുപാതിക വില വര്ദ്ധനവ് രാജ്യത്തെ എണ്ണ കമ്പനികള് വരുത്തിയിട്ടില്ലായിരുന്നു.
2021 നവംബര് നാലിന് കേന്ദ്ര സര്ക്കാര് എക്സൈസ് തീരുവ കുറച്ചിരുന്നു. പെട്രോള് ലിറ്ററിന് അഞ്ചു രൂപയും ഡീസല് ലിറ്ററിന് പത്തു രൂപയും നികുതി കുറച്ചിരുന്നു. ചില സംസ്ഥാന സര്ക്കാരുകളും ഇത്തരത്തില് വാറ്റ് കുറച്ചു. ഡെല്ഹിയില് പെട്രോളിന് ലിറ്ററിന് മേല് 8.56 രൂപയാണ് കുറച്ചത്.
രാജ്യതലസ്ഥാനമായ ഡെല്ഹിയില് ഇന്നത്തെ പെട്രോള് വില ലിറ്ററിന് 95.41 രൂപയാണ് ഡീസല് വില ലിറ്ററിന് 86.67 രൂപയും മുംബൈയില് ഇത് 109.98 ഉം 94.14 രൂപയുമാണ്. 12 രൂപ ഒറ്റയടിക്ക് വര്ദ്ധിപ്പിച്ചില്ലെങ്കിലും മാര്ച്ച് പതിനാറിനു ശേഷം ക്രമാനുഗതമായി ഇന്ധന വില വര്ദ്ധിപ്പിക്കുമെന്നാണ് സൂചന.
