Web Desk
തിരുവനന്തപുരം: സംസ്ഥാനത്ത് കോവിഡ് രോഗികളുടെ എണ്ണം വര്ധിക്കുന്ന സാഹചര്യത്തില് ആറ് ജില്ലകളില് അതീവജാഗ്രതാ നിര്ദേശം. തിരുവനന്തപുരം, തൃശൂര്, പാലക്കാട്, കാസര്കോട്, കണ്ണൂര്, മലപ്പുറം ജില്ലകളിലാണ് നിയന്ത്രണങ്ങള് കടുപ്പിക്കുന്നത്. രോഗികള്ക്ക് കോവിഡ് ബാധിച്ചത് എങ്ങനെയെന്ന് കണ്ടെത്താനാകാത്തതിനാലാണ് ഈ ജില്ലകളില് കര്ശന നിയന്ത്രണങ്ങള് ഏര്പ്പെടുത്താന് തീരുമാനിച്ചത്.
അതേസമയം, സംസ്ഥാനത്ത് കോവിഡ് നിയന്ത്രണങ്ങള് കടുപ്പിക്കുകയാണെന്ന് ഡിജിപി ലോക്നാഥ് ബെഹ്റ അറിയിച്ചു. ഇനി ഉപദേശമില്ലെന്നും പിഴയടക്കം കര്ശന നടപടിയിലേക്ക് നീങ്ങുകയാണെന്നും ഡിജിപി വ്യക്തമാക്കി.
തിരുവനന്തപുരം നഗരത്തിലെ പ്രധാന മാര്ക്കറ്റുകളില് നിയന്ത്രണം ഏര്പ്പെടുത്തിയിട്ടുണ്ട്. തൃശൂര് നഗരം ഭാഗികമായി അടച്ചു. കൊച്ചിയിലെ കണ്ടെയ്ന്മെന്റ് സോണുകള് ഉള്പ്പെടുന്ന ശ്രീമൂലനഗരം, വെങ്ങോല, നായരമ്പലം പ്രദേശങ്ങള് കടുത്ത ജാഗ്രതയിലാണ്.
