മോഡലുകള് ഉള്പ്പെടെ മൂന്നുപേര് വാഹനാപകടത്തില് മരിച്ച കേസില്,ഹോട്ടലിലെ ഡിജെ പാര്ട്ടിയു ടെ ദൃശ്യങ്ങള് നശിപ്പിക്കുന്നതിനും അന്വേഷണം വൈകിപ്പിച്ചതിനും പിന്നില് പ്രവൃത്തിച്ചത് ഉന്നത പൊ ലീസ് ഉദ്യോഗസ്ഥനാണെന്ന് റിപ്പോര്ട്ടുകള്
കൊച്ചി: കൊച്ചിയില് മോഡലുകള് ഉള്പ്പെടെ മൂന്നുപേര് വാഹനാപകടത്തില് മരിച്ച കേസില്, ഹോട്ട ലിലെ ഡിജെ പാര്ട്ടിയുടെ ദൃശ്യങ്ങള് നശിപ്പിക്കുന്നതിനും അന്വേഷണം വൈകിപ്പിച്ചതിനും പിന്നില് പ്രവൃത്തിച്ചത് ഉന്നത പൊലീസ് ഉദ്യോഗസ്ഥനാണെന്ന് റിപ്പോര്ട്ടുകള്. ഉന്നത ഉദ്യോഗസ്ഥന്റെ നിര്ദേശ പ്രകാരമാണ് ഹോട്ടലുടമ റോയ് ജോസഫ് വയലാറ്റ് ഹോട്ടലിലെ ഡിജെ പാര്ട്ടിയുടെ ദൃശ്യങ്ങളടങ്ങിയ ഹാര്ഡ് ഡിസ്ക് മാറ്റിയതെന്നാണ് സംശയം ബലപ്പെടുന്നത്.
പൊലീസിന്റെ അന്വേഷണത്തില് നിരവധി വീഴ്ചകളുണ്ടായതായി ആരോപണം ഉയര്ന്നിരുന്നു. അപകട ത്തില്പ്പെട്ട വാഹനത്തില് മദ്യക്കുപ്പി ഉണ്ടായിട്ടും മരിച്ചവരുടെ രക്തസാംപിള് പരിശോധിക്കാതിരുന്നത് വന് വീഴ്ചയായി വിദഗ്ധര് ചൂണ്ടിക്കാട്ടിയിരുന്നു.മോഡലുകള് രാത്രി യാത്ര തിരിച്ച ഫോര്ട്ടുകൊച്ചിയിലെ ഹോട്ടലില് പൊലീസ് ഉടന് തിരച്ചില് നടത്താതിരിക്കുകയും സിസിടിവി ദൃശ്യങ്ങള് പിടിച്ചെടുക്കാതിരുന്ന തും ഉന്നത പൊലീസ് ഉദ്യോഗസ്ഥന്റെ ഇടപെടല് ആക്ഷേപത്തിനിടയാക്കി.
അപകടമരണം സംഭവിച്ച് ഒമ്പതു ദിവസത്തിന് ശേഷമാണ് സിസിടിവി ദൃശ്യങ്ങള് ആവശ്യപ്പെട്ട് പൊലീ സ് ഹോട്ടലിനെ സമീപിച്ചത്. ഇത് തെളിവ് നശിപ്പിക്കപ്പെടാന് അവ സരമൊരുക്കി.സംഭവ ദിവസം ഉന്നത പൊലീസ് ഉദ്യോഗസ്ഥന് ഫോര്ട്ട്കൊച്ചിയിലെ നമ്പര് 18 ഹോട്ടല് സന്ദര്ശിച്ചിരുന്നുവെന്നും വിവരമുണ്ട്. ഇതു സംബന്ധിച്ച് സംസ്ഥാ ന ഇന്റലിജന്സ് റിപ്പോര്ട്ട് നല്കി.
ഹോട്ടലില് ഡിജെ പാര്ട്ടി നടന്ന ഒക്ടോബര് 31 ന് സിനിമാ മേഖലയിലെ ചില പ്രമുഖരും ഹോട്ടലില് തങ്ങി യതായി വിവരങ്ങള് പുറത്തുവന്നിരുന്നു. ഒരു പ്രമുഖ സംവിധാ യകനും അന്ന് അവിടെയുണ്ടായിരുന്നു. അദ്ദേഹത്തിന്റെ പുതിയ ചിത്രത്തിന്റെ ചര്ച്ചയും അന്നേദിവസം അവിടെവെച്ച് നടന്നിരുന്നു. മോഡലു കളോടൊപ്പം ഉണ്ടായിരുന്ന ഒരാള്ക്ക് സംവിധായകനുമായി അടുപ്പമുണ്ടെന്നും റിപ്പോര്ട്ടുകളുണ്ട്.
