18 വയസിന് മുകളില് പ്രായമുള്ള എല്ലാവരേയും കോവിഡ് വാക്സിന് ലഭിക്കുന്ന വിഭാഗ ത്തില് ഉള്പ്പെടുത്തി ഉത്തരവ് പുറപ്പെടുവിച്ചതായി ആരോഗ്യ മന്ത്രി വീണാ ജോര്ജ്. എന്നാ ല് വിവിധ സര്ക്കാര് ഉത്തരവ് പ്രകാരം മുന്ഗണനാ പട്ടികയില് ഉള്പ്പെടുത്തിയ വിഭാഗങ്ങ ളുടെ മുന്ഗണന തുടരുന്നതാണെന്ന് മന്ത്രി വ്യക്തമാക്കി
തിരുവനന്തപുരം : സംസ്ഥാനത്ത് 18 വയസിന് മുകളില് പ്രായമുള്ള എല്ലാവരേയും കോവിഡ് വാക് സിന് ലഭിക്കുന്ന വിഭാഗത്തില് ഉള്പ്പെടുത്തി ഉത്തരവ് പുറപ്പെടുവിച്ചതായി ആരോഗ്യ മന്ത്രി വീണാ ജോര്ജ്. എന്നാല് വിവിധ സര്ക്കാര് ഉത്തരവ് പ്രകാരം മുന്ഗണനാ പട്ടികയില് ഉള്പ്പെടുത്തിയ വി ഭാഗങ്ങളുടെ മുന്ഗണന തുടരുന്നതാണ്. വാക്സിന് എടുക്കുന്നതിനായി കോവിന് വെബ് സൈ റ്റില് (https://www.cowin.gov.in) രജിസ്റ്റര് ചെയ്ത് സ്ലോട്ട് തെരഞ്ഞെടുക്കേണ്ടതാണ്. രജിസ്റ്റര് ചെയ്ത് സ്ലോട്ട് എടുക്കാതെ വാക്സിനേഷന് സെന്ററുകളില് പോയി ആരും തിരക്ക് കൂട്ടരുത്. വാക്സിന് ലഭ്യമാകുന്ന മുറയ്ക്ക് വാക്സിനേഷന്റെ എണ്ണം പരമാവധി കൂട്ടുമെന്നും മന്ത്രി വ്യക്തമാക്കി.
13,31,791 പേര്ക്ക് ഒന്നാം ഡോസും 3,13,781 പേര്ക്ക് രണ്ടാം ഡോസും ഉള്പ്പെടെ ആകെ 16,45,572 പേര്ക്ക് വാക് സിന് നല്കിയ എറണാകുളം ജില്ല ഒന്നാമതാണ്. 12,42,855 പേര്ക്ക് ഒന്നാം ഡോസും 3,72,132 പേര്ക്ക് രണ്ടാം ഡോസും ഉള്പ്പെടെ ആകെ 16,14,987 പേര്ക്ക് വാക്സിന് നല്കിയ തിരുവനന്തപുരം ജില്ല യാണ് രണ്ടാമത്.
സംസ്ഥാനത്തിന് 1,56,650 ഡോസ് കോവീഷീല്ഡ് വാക്സിന് കൂടി ലഭ്യമായിട്ടുണ്ട്. തിരുവനന്തപു രത്ത് 53,500 ഡോസ് വാക്സിനും എറണാകുളത്ത് 61,150 ഡോസ് വാക്സിനും കോഴിക്കോട് 42,000 ഡോസ് വാക്സിനുമാണ് എത്തിയത്. ഇതോടെ സംസ്ഥാനത്ത് 1,30,38,940 ഡോസ് വാക്സിനാണ് ലഭിച്ചത്. അതില് 12,04,960 ഡോസ് കോവിഷീല്ഡ് വാക്സിനും 1,37,580 ഡോസ് കോവാക്സിനും ഉള്പ്പെടെ ആകെ 13,42,540 ഡോസ് വാക്സിനാണ് സംസ്ഥാനം വാങ്ങിയത്. 1,04,95,740 ഡോസ് കോവിഷീല്ഡ് വാക്സിനും 12,00,660 ഡോസ് കോവാക്സിനും ഉള്പ്പെടെ ആകെ 1,16,96,400 ഡോസ് വാക്സിന് കേന്ദ്രം നല്കിയതാണ്.
ഒന്നും രണ്ടും ഡോസ് ചേര്ത്ത് 10 ലക്ഷം ഡോസിന് മുകളില് വാക്സിനെടത്ത 6 ജില്ലകളാണുള്ളത്. തിരുവനന്തപുരം, കൊല്ലം, എറണാകുളം, തൃശൂര്, മലപ്പുറം, കോഴിക്കോട് എന്നിവയാണവ.
