Web Desk
ചെന്നൈ: തമിഴ്നാട് മുഖ്യമന്ത്രി എടപ്പാടി കെ പളനിസ്വാമിയുടെ പ്രൈവറ്റ് സെക്രട്ടറി കൊവിഡ് ബാധിച്ച് മരിച്ചു. മധുര സ്വദേശി ബി.ജെ ദാമോധരന് (55) ആണ് മരിച്ചത്. കൊവിഡ് ബാധയെ തുടര്ന്ന് ചെന്നൈ രാജീവ് ഗാന്ധി ആശുപത്രിയില് ചികിത്സയിലായിരുന്നു.
അതേസമയം തമിഴ്നാട്ടിലെ കൊവിഡ് ബാധിതരുടെ എണ്ണം 48,000 കടന്നു. 528 പേരാണ് വൈറസ് ബാധിച്ച് മരിച്ചത്. രാജ്യത്ത് കൊവിഡ് ബാധിതരുടെ എണ്ണം ദിനംപ്രതി കൂടിവരുന്നത് ആശങ്കാജനകമാണ്.
കേന്ദ്ര ആരോഗ്യവകുപ്പിന്റെ കണക്ക് പ്രകാരം രാജ്യത്ത് കഴിഞ്ഞ 24 മണിക്കൂറില് കൊവിഡ് ബാധിച്ച് മരിച്ചത് 2,003 പേരാണ്. പുതിയതായി 10,974 പേര്ക്ക് രോഗം സ്ഥിരീകരിക്കുകയും ചെയ്തു. ഇതോടെ രാജ്യത്ത് കൊവിഡ് ബാധിച്ചവരുടെ എണ്ണം 3,54 ലക്ഷമായി. 11,903 പേര്ക്കാണ് കൊവിഡിനെ തുടര്ന്ന് ഇതുവരെ ജീവന് നഷ്ടമായത്. 1.55 ലക്ഷം പേര് രോഗമുക്തി നേടിയതായും 1.86 ലക്ഷം ആളുകള് നിലവില് ചികിത്സയില് കഴിയുന്നെന്നും ആരോഗ്യവകുപ്പ് വ്യക്തമാക്കി.
