സംഘപരിവാര്‍ അജണ്ടകള്‍ ശക്തമായി നേരിടണമെന്നും എതിര്‍ക്കണമെന്നും പറയാറുണ്ടെന്നും എന്നാല്‍ ട്രോളില്‍ പ്രചരിപ്പിക്കുന്നത് പോലെ കൊല്ലണം എന്ന് പറയാറില്ലെന്നും അത് തന്റെ ഭാഷയല്ലെന്നും നടി മാല പാര്‍വതി വ്യക്തമാക്കി
തന്റെ പേരില്‍ പ്രചരിക്കുന്ന ചൂടന്‍ രാഷ്ട്രീയ ട്രോളില്‍ നടി മാല പാര്‍വതി ധര്‍മ സങ്കടത്തിലായി. ആര്‍.എസ്.എസുകാരെ ‘കൊല്ലണം’ എന്ന തരത്തില്‍ പ്രചരിക്കുന്ന ട്രോളാണ് നടിയെ കടുത്ത പ്രതിസന്ധിയിലാക്കിയത്. പ്രചാരണം ചൂടായതോടെ തന്റെ പേരില്‍ പ്രചരിക്കുന്ന ട്രോളില്‍ വിശ ദീകരണവുമായി നടി മാല പാര്‍വതി രംഗത്തെത്തി.
സംഘപരിവാര്‍ അജണ്ടകള്‍ ശക്തമായി നേരിടണമെന്നും എതിര്‍ക്കണമെന്നും പറയാറുണ്ടെന്നും എന്നാല്‍ ട്രോളില്‍ പ്രചരിപ്പിക്കുന്നത് പോലെ കൊല്ലണം എന്ന് പറയാറില്ലെന്നും അത് തന്റെ ഭാഷയ ല്ലെന്നും നടി വ്യക്തമാക്കി. തന്റെ വാക്കുകള്‍ തെറ്റിദ്ധാരണയുണ്ടാക്കിയിട്ടുണ്ടെങ്കില്‍ നിരുപാധികം ക്ഷമ ചോദിക്കുന്നതായി നടി വ്യക്തമാക്കിയ എന്നാല്‍ മനുഷ്യത്വരഹി ജനാധിപത്യ, മാനവരാശിക്കെ തിരായ ഫാസിസ്റ്റ് ശക്തികളെ എന്നും എതിര്‍ക്കുമെന്ന കാര്യത്തില്‍ മാറ്റമില്ലെന്നും മാല പാര്‍വതി ഫേസ്ബുക്ക് കുറിപ്പില്‍ അറിയിച്ചു.
പാര്‍വതിയുടെ ഫേസ്ബുക്ക് പോസ്റ്റ്:
പ്രിയപ്പെട്ടവരെ.. ഒരു കാര്യം. ഞാന്‍ ഞടട കാരെ കൊല്ലണം എന്നൊരു ട്രോള്‍ കറങ്ങി നടക്കുന്നുണ്ട്. സംഘപരിവാര്‍ അജണ്ടകളെ ശക്തമായി നേരിടണം എന്ന് പറയാറുണ്ട്. എതിര്‍ക്കണം എന്ന് പറയാറുണ്ട്. എന്നാല്‍ ‘കൊല്ലണം ‘ എന്ന് പറയാറില്ല. പറയുകയുമില്ല. കാരണം അത് എന്റെ ഭാഷയല്ല. എന്റെ വാക്കുകള്‍ അങ്ങനെ തെറ്റിദ്ധാരണയുണ്ടാക്കിയിട്ടുണ്ടെങ്കില്‍ നിരുപാധികം ക്ഷമ ചോദിക്കുന്നു. എന്നാല്‍ മനുഷ്യത്വരഹിതമായ, ജനാധിപത്യ രഹിതമായ, മാനവരാശിക്കെതിരായ ഫാസിസ്റ്റ് ശക്തികളെ എന്നും എതിര്‍ക്കുമെന്ന കാര്യത്തില്‍ മാറ്റവുമില്ല.
