അറബിക്കടലില് രൂപംകൊണ്ട ന്യൂനമര്ദം തീവ്രന്യൂനമര്ദമായി. നാളെ ഉച്ചയോടെ ചുഴലിക്കാറ്റായി മാറും. സംസ്ഥാനത്ത് വിവിധ ജില്ലകളില് ശക്തമായ മഴ തുടരുകയാണ്
തിരുവനന്തപുരം : അറബിക്കടലില് രൂപംകൊണ്ട ന്യൂനമര്ദം തീവ്രന്യൂനമര്ദമായി. നാളെ ഉച്ചയോ ടെ ചുഴലിക്കാറ്റായി മാറും. സംസ്ഥാനത്ത് വിവിധ ജില്ലകളില് ശക്തമായ മഴ തുടരുകയാണ്. തിരുവ നന്തപുരം, കൊല്ലം, പത്തനംതിട്ട ജില്ലകളില് റെഡ് അലര്ട്ട് നിലനില്ക്കുകയാണ്. ആലപ്പുഴ മുത ല് വയനാട് വരെ 9 ജില്ലകളില് ഓറഞ്ച് അലര്ട്ടും പ്രഖ്യാപിച്ചിട്ടുണ്ട്.
എറണാകുളം ചെല്ലാനത്ത് ഇന്നലെ മുതല് തുടങ്ങിയ കടലാക്രമണം രൂക്ഷമായി തുടരുന്നു. നിര വധി വീടുകളില് വെള്ളം കയറി. ആളുകളെ ദുരിതാശ്വാസ ക്യാംപുകളിലേക്ക് മാറ്റുന്ന നടപടികള് പുരോഗമിക്കുകയാണ്. കോവിഡ് പോസിറ്റിവിറ്റി നിരക്ക് 56 ശതമാനം ആണെന്നതും ദുരിതാശ്വാസ പ്രവര്ത്തനങ്ങള്ക്ക് വെല്ലുവിളിയാണ്.
ശക്തമായ കടല് ക്ഷോഭത്തില് പൊന്നാനിയില് പരക്കെ നാശനഷ്ടമുണ്ടായി. നിരവധി വീടുകളില് വെള്ളം കയറി. വെളിയങ്കോട് ഫിഷറീസ് സ്കൂളില് താല്ക്കാലിക ക്യാംപ് സജ്ജീകരി ച്ചിട്ടുണ്ടെ ങ്കിലും ഇതുവരെ ആരെയും മാറ്റിപാര്പ്പിച്ചിട്ടില്ല. കൊല്ലത്ത് രാവിലെ മുതല് ശക്തമായ മഴ പെയ്യു കയാണ്. ചുഴലിക്കാറ്റ് മുന്നറിയിപ്പിന്റെ പശ്ചാത്തലത്തില് 6 കപ്പലുകള് കൊല്ലം തുറമുഖത്ത് നങ്കൂരമിട്ടു. ജില്ലയില് കടലാക്രമണ ഭീഷണിയും നേരിടുന്നുണ്ട്.
കനത്ത മഴയില് കുട്ടനാട്ടില് ജലനിരപ്പ് ഉയര്ന്നു. കാവാലം മാണിക്യ മംഗലം പാടശേഖരത്തില് മട വീണു. മഴ കനത്തതോടെ നെല്ല് സംഭരണം അവതാളത്തില് ആകുമോ എന്ന ആശങ്ക കര്ഷകര് ക്കുണ്ട്. അധികജലം ഒഴുക്കി വിടാന് തണ്ണീര്മുക്കം ബണ്ടിന്റെ 30 ഷട്ടറുകള് തുറന്നു. തോട്ടപ്പ ള്ളി സ്പില്വെ പൊഴി മുറിക്കുന്നതിന്റെ ജോലികള് പുരോഗമിക്കുകയാണ്. അതേസമയം ജില്ലയുടെ തീരമേഖലയില് കടലേറ്റം രൂക്ഷമാണ്. ആറാട്ടുപുഴ, വലിയ അഴീക്കല്, ഒറ്റമശേരി മേഖലകളിലാണ് കടലേറ്റം. ആശങ്കപ്പെടേണ്ട സാഹചര്യമില്ലെന്നും ക്യാമ്പുകള് അടക്കം സജ്ജമാക്കി യിട്ടുണ്ടെന്നും ജില്ലാ ഭരണകൂടം അറിയിച്ചു.
