3,43,144 പേര്ക്കാണ് രോഗബാധ സ്ഥിരീകരിച്ചത്. ഇതോടെ രാജ്യത്തെ ആകെ രോഗബാധിതരുടെ ആകെ എണ്ണം 2,40,46,809 ആയി ഉയര്ന്നതായി ആരോഗ്യമന്ത്രാലയം വ്യക്തമാക്കി. 24 മണിക്കൂറിനിടെ 4,000 പേരാണ് കോവിഡ് ബാധിച്ച് മരിച്ചത്. ഇതോടെ മരണസംഖ്യ 2,62,317 ആയി ഉയര്ന്നു
ന്യൂഡല്ഹി: രാജ്യത്ത് കോവിഡ് വ്യാപനം രൂക്ഷമായി തന്നെ തുടരുകയാണ്. 24 മണിക്കൂറിനിടെ 3,43,144 പേര്ക്കാണ് രോഗബാധ സ്ഥിരീകരിച്ചത്. ഇതോടെ രാജ്യത്തെ ആകെ രോഗബാധിതരുടെ ആകെ എണ്ണം 2,40,46,809 ആയി ഉയര്ന്നതായി ആരോഗ്യമന്ത്രാലയം വ്യക്തമാക്കി. 24 മണിക്കൂറിനിടെ 4,000 പേരാണ് കോവിഡ് ബാധിച്ച് മരിച്ചത്. ഇതോടെ മരണസംഖ്യ 2,62,317 ആയി ഉയര്ന്നു.
പുതുതായി 3,44,776 പേരാണ് രോഗമുക്തി നേടിയത്. ഇതോടെ രോഗമുക്തരുടെ ആകെ എണ്ണം 2,00,79,599 ആയി ഉയര്ന്നു. നിലവില് 37,04,893 പേരാണ് ചികിത്സയില് വരുന്നത്. നിലവില് 17,92,98,584 പേര്ക്ക് വാക്സിന് നല്കിയതായി സര്ക്കാര് കണക്കുകള് വ്യക്തമാക്കുന്നു.കോവിഡ് വ്യാപനം അതിരൂക്ഷമായി തുടരുന്ന മഹാരാഷ്ട്രയില് ഇന്നലെ 42,585പേര്ക്കാണ് രോഗം സ്ഥിരീകരിച്ചത്.
10 സംസ്ഥാനങ്ങളില് പ്രതിദനരോഗികളുടെ നിരക്ക് 72.37 ശതമാനമാണ്. മഹാരാഷ്ട്രയിലാണ് ഏറ്റ വും കൂടുതല് പ്രതിദിന കേസുകള് റിപ്പാര്ട്ട് ചെയ്തത് ; 42,582 പേര്. കേരളം (39,955)രണ്ടാമതും കര് ണാടക (35,297)മൂന്നാമതുമാണ്.
ദേശീയ മരണനിരക്ക് നിലവില് 1.09 ശതമാനമാണ്. 10 സംസ്ഥാനങ്ങളിലാണ് 72.70 ശതമാനം മരണവും. മഹാരാഷ്ട്രയിലാണ് ഏറ്റവും കൂടുതല് മരണം 850. രാജ്യത്ത് ഇന്നു രാവിലെ വരെ രോഗമുക്തരായവരുടെ എണ്ണം രണ്ട് കോടി കടന്നു. 2,00,79,599 പേരാണ് രോഗമുക്തി നേടിയത്. 83.50 ശതമാനമാണ് ദേശീയ രോഗമുക്തി നിരക്ക്. കഴിഞ്ഞ 24 മണിക്കൂറില് 3,44,776 പേര് രോഗമുക്തരായി. കഴിഞ്ഞ നാല് ദിവസങ്ങളില് മൂന്ന് ദിവസവും രോഗമുക്തിനേടിയവരുടെ എണ്ണം പുതിയ രോഗബാധിതരേക്കാാള് കൂടുതലായിരുന്നു.
മൂന്നാം ഘട്ട വാക്സിനേഷന് യജ്ഞം പുരോഗമിക്കുകയാണ്. 32 സംസ്ഥാനങ്ങളിലും കേന്ദ്രഭരണ പ്രദേശങ്ങളിലുമായി 18 മുതല് 44 വയസ്സ് പ്രായമുള്ള 39,26,334 ഗുണഭോക്താകള്ക്ക് ആദ്യ ഡോസ് വാക്സിന് ലഭിച്ചു. കഴിഞ്ഞ 24 മണിക്കൂറിനുള്ളില് 4,40,706 പേര്ക്കാണ് ആദ്യ ഡോസ് വാക്സിന് ലഭിച്ചത്. കേരളത്തില് 1,149 പേര്ക്കാണ് ഈ വിഭാഗത്തില് ഇതുവരെ വാക്സിന് ലഭിച്ചതെന്ന് കേന്ദ്ര ആരോഗ്യ മന്ത്രാലയത്തിന്റെ കണക്കുകള് വ്യക്തമാക്കുന്നു.
