സംസ്ഥാനത്ത് ശക്തമായ കാറ്റിനും മഴയ്ക്കും സാധ്യതയുള്ളതിനാല് സര്ക്കാര് സംവിധാനങ്ങളോട് പൂര്ണസജ്ജരാകാന് നിര്ദേശം നല്കിയതായി മുഖ്യമന്ത്രി പിണറായി വിജയന്
തിരുവനന്തപുരം : അറബിക്കടലില് രൂപം കൊണ്ട ന്യൂനമര്ദ്ദം അടുത്ത 24 മണിക്കൂറില് ശക്തി പ്രാപിക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. സംസ്ഥാനത്ത് ശക്തമായ കാറ്റിനും മഴയ്ക്കും സാധ്യതയുള്ളതിനാല് സര്ക്കാര് സംവിധാനങ്ങളോട് പൂര്ണസജ്ജരാകാന് നിര്ദേശം നല്കിയതായി മുഖ്യമന്ത്രി പിണറായി വിജയന് അറിയിച്ചു.
ലക്ഷദ്വീപ് മേഖലയില് ശനിയാഴ്ച രാവിലെയോടെ തീവ്ര ന്യൂനമര്ദ്ദമാകുമെന്നാണ് മുന്നറിയിപ്പ്. ഞായറാഴ്ചയോടെ ന്യൂനമര്ദ്ദം ചുഴലിക്കാറ്റായി മാറാന് സാധ്യതയുണ്ടെന്നാണ് കാലാവസ്ഥാ നിരീ ക്ഷണ കേന്ദ്രത്തിന്റെ മുന്നറിയിപ്പ്. സംസ്ഥാനത്ത് ഇന്ന് മുതല് 17 വരെ ജാഗ്രതാ നിര്ദ്ദേശം പ്ര ഖ്യാപിച്ചിട്ടുണ്ട്. തെക്കുകിഴക്കന് അറബിക്കടലില് വെള്ളിയാഴ്ചയോടെ രൂപപ്പെടുന്ന ന്യൂനമര്ദം ചുഴലിക്കാറ്റായി മാറി വടക്കുപടിഞ്ഞാറ് ദിശയി ല് സഞ്ചരിക്കുമെന്നാണ് കാലാവസ്ഥാ വകുപ്പിന്റെ പ്രവചനം.
സംസ്ഥാന ദുരന്ത നിവാരണ അതോറിറ്റി എക്സിക്യൂട്ടീവ് ചേര്ന്ന് സ്ഥിതി വിലയി രുത്തി. കേരള ത്തില് ഇന്ന് മുതല് 17 വരെ ശക്തമായ കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിക്കുന്നുത്. തീരദേശ മേഖലയില് പ്രത്യേക ജാഗ്രതാ നിര്ദേശവും നല്കിയിട്ടുണ്ട്. ഞായറാഴ്ച വരെ ഒറ്റപ്പെട്ടയിടങ്ങളില് 55 കിലോമീറ്റര് വരെ വേഗത്തില് ശക്തമായ കാറ്റിനും ഇടിമിന്നലോടെ മഴയ്ക്കും സാധ്യതയുണ്ട്.
സംസ്ഥാനത്ത് 7 ജില്ലകളില് ഇന്ന് യെല്ലോ അലര്ട്ടാണ്. തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, ഇടുക്കി, എറണാകുളം ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുളളത്. കൊല്ലം മുതല് തൃശ്ശൂര് വരെയുള്ള 6 ജില്ലകളില് നാളെ ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. ആല പ്പുഴ, ചെല്ലാനം, കൊയിലാണ്ടി, കാപ്പാട് എന്നിവിടങ്ങളില് കടല്ക്ഷോഭം രൂക്ഷമാണ്.
ശക്തമായ മഴയില് വെള്ളക്കെട്ടും ചെറിയ വെള്ളപ്പൊക്കവും രൂപപ്പെടാന് സാധ്യതയുണ്ട്. കാറ്റില് മരങ്ങള് കടപുഴകി വീണോ, മലയോര മേഖലയില് മണ്ണിടിച്ചില് മൂലമോ അപകടങ്ങള്ക്ക് സാധ്യത യുള്ളതിനാല് പ്രത്യേകം ജാഗ്രത പുലര്ത്തണമെന്നും മുഖ്യമന്ത്രി നിര്ദേശിച്ചു. ജില്ലാ ദുരന്ത നിവാ രണ അതോറിറ്റികളുടെ കണ്ട്രോള് റൂമുകള് 24 മണിക്കൂറും പ്രവര്ത്തിക്കും. 1077 എന്ന ടോള് ഫ്രീ നമ്പറിലും ബന്ധപ്പെടാം.
