കൂടിക്കാഴ്ച്ചയില്‍ പ്രാദേശിക, അന്തര്‍ദേശീയ സംഭവവികാസങ്ങളും ഇരു രാജ്യങ്ങളും തമ്മിലുള്ള സഹോദരബന്ധം, വിവിധ മേഖലകളിലെ ഉഭയകക്ഷി സഹകരണം കൂടുതല്‍ ഊഷമളമാകുന്നതിനെ കുറിച്ചും നയതന്ത്ര, വാണിജ്യ സഹകരണം തുടങ്ങിയ വിഷയങ്ങളും ചര്‍ച്ച ചെയ്തു
ജിദ്ദ : സഊദി- ഖത്വര്‍ സഹകരണം കൂടുതല്‍ ശക്തമാക്കുന്നതിന്റെ ഭാഗമായി ഖത്വര്‍ അമീര്‍ ശൈഖ് തമീം ബിന്‍ ഹമദ് ആല്‍താനി സഊദിയിലെത്തി. ജിദ്ദ കിങ് അബ്ദുല്‍ അസീസ് അന്താരാഷ്ട്ര വിമാനത്താവളത്തിലെത്തിയ അമീറിനെ സഊദി കിരീടാവകാശി മുഹമ്മദ് ബിന്‍ സല്‍മാന്‍ സ്വീകരിച്ചു. സഊദി ഭരണാധികാരിയും തിരുഗേഹങ്ങളുടെ സൂക്ഷിപ്പുകാരനുമായ സല്‍മാന്‍ രാജാവിന്റെ പ്രത്യേക ക്ഷണം സ്വീകരിച്ചാണ് അമീര്‍ സഊദിയിലെത്തിയത്.
ജിദ്ദയിലെ അല്‍ സലാം കൊട്ടാരത്തില്‍ വെച്ച് ഖത്വര്‍ അമീറും സഊദി കിരീടാവകാശിയും കൂടിക്കാഴ്ച നടത്തി. മൂന്ന് വര്‍ഷത്തിലധികമായി നീണ്ടു നിന്ന ഖത്വര്‍ -സഊദി ഉപരോധം 2021 ജനുവരിയിലാണ് അവസാനിച്ചത്. ഖത്വര്‍ അമീര്‍ അല്‍ ഉലയില്‍ വെച്ച് നടന്ന ഗള്‍ഫ് ഉച്ചകോടി യിലും പങ്കെടുത്തിരുന്നു. ഉച്ചകോടിക്ക് ശേഷം ആദ്യമായാണ് ഖത്വര്‍ അമീര്‍ സഊദി അറേബ്യ സന്ദര്‍ശിക്കുന്നത്.
കൂടിക്കാഴ്ച്ചയില്‍ പ്രാദേശിക, അന്തര്‍ദേശീയ സംഭവവികാസങ്ങളും ഇരു രാജ്യങ്ങളും തമ്മിലുള്ള സഹോദരബന്ധം, വിവിധ മേഖലകളിലെ ഉഭയകക്ഷി സഹകരണം കൂടുതല്‍ ഊഷമളമാകു ന്നതിനെ കുറിച്ചും നയതന്ത്ര, വാണിജ്യ സഹകരണം തുടങ്ങിയ വിഷയങ്ങളും ചര്‍ച്ച ചെയ്തു.
