പ്രതിദിന കേസുകള് 40,000 മുതല് അരലക്ഷം വരെ ആകാന് സാധ്യതയെന്നാണ് ആരോഗ്യ വിദഗ്ധര് ചൂണ്ടിക്കാട്ടുന്നത്. ആശുപത്രികളോട് സജ്ജമാകാന് നിര്ദേശം നല്കി.
തിരുവനന്തപുരം : സംസ്ഥാനത്ത് കോവിഡ് വ്യാപനം അതിതീവ്രമാകാന് സാധ്യത. രോഗികളുടെ എണ്ണം അര ലക്ഷത്തിലേക്ക് ഉയരുമെന്ന് ആശങ്ക. പ്രതിദിന കേസുകള് 40,000 മുതല് അരലക്ഷം വരെ ആകാന് സാധ്യതയെന്നാണ് ആരോഗ്യ വിദഗ്ധര് ചൂണ്ടിക്കാട്ടുന്നത്. ആശുപത്രികളോട് സജ്ജമാകാന് നിര്ദേശം നല്കി.
ഇന്നും നാളെയുമായി വീണ്ടും സംസ്ഥാനത്ത് കൂട്ട പരിശോധന നടത്തുന്നുണ്ട്. മൂന്ന് ലക്ഷത്തോളം പേരില് പരിശോധന നടത്താനാണ് തീരുമാനം. ഇതിന്റെ ഫലങ്ങള് കൂടി വരുന്നതോടെ രോഗികളുടെ എണ്ണം അര ലക്ഷത്തിലേക്ക് ഉയര്ന്നേക്കുമെന്നാണ് ചീഫ് സെക്രട്ടറിയുടെ നേതൃത്വത്തില് ഇന്നലെ ചേര്ന്ന യോഗത്തിലാണ് വിലയിരുത്തല്. കഴിഞ്ഞ ദിവസങ്ങളില് നടന്ന മാസ് പരിശോധന ഫലപ്രദമെന്ന വില യി രുത്തലിന്റെ അടിസ്ഥാനത്തിലാണ് കൂടുതല് ആളുകളെ പരിശോധനയ്ക്ക് വിധേയമാക്കാന് തീരുമാനിച്ചത്. ഇന്നും നാളെയുമായി മൂന്ന് ലക്ഷ ത്തോളം സാമ്പിളുകള് പരിശോധിക്കാനാണ് തീരുമാനിച്ചിരിക്കുന്നത്.
വാക്സീന് ക്ഷാമം തുടരുന്നതിനിടെ 5.5 ലക്ഷം വാക്സീന് കേന്ദ്രത്തില് നിന്നും ഇന്ന് ലഭ്യമാകുമെന്നതാണ് പ്രതീക്ഷ. കോവിഡ് സാഹചര്യം വിലയിരുത്താന് മുഖ്യമന്ത്രി വിളിച്ച ഉന്നതതല യോഗം ഇന്ന് നടക്കും. രാവിലെ പതിനൊന്നിനാണ് യോഗം. ഓണ്ലൈന് വഴി ചേരുന്ന യോഗത്തില് ചീഫ് സെക്രട്ടറി അടക്കമുള്ള ഉന്നതഉദ്യോഗസ്ഥരും പൊലീസ് മേധാവിയും പങ്കെടുക്കും. സര്ക്കാരിന്റെ തുടര് നടപടികള്ക്ക് യോഗം രൂപം നല്കും.
