കൊച്ചി: പാചകവാതക വില വീണ്ടും വര്ധിപ്പിച്ചു. ഗാര്ഹിക ഉപയോഗത്തിനുള്ള സിലിണ്ടറിന് 25 രൂപയാണ് വര്ധിപ്പിച്ചത്. ഒരു മാസത്തിനിടെ ഇത് മൂന്നാം തവണയാണ് പാചകവാതത്തിന്റെ വില വര്ധിപ്പിക്കുന്നത്. എറണാകുളത്തെ പുതിയ വില 801 രൂപയായി ഉയര്ന്നു.
ഫെബ്രുവരി 14-ന് സിലിണ്ടറിന് 50 രൂപ കൂട്ടിയിരുന്നു. ഏറ്റവും പുതിയ വര്ധനവ് കൂടി കണക്കിലെടുത്താല് 2021-ല് മാത്രം നാല് തവണയാണ് ഗ്യാസിന്റെ വില കൂട്ടിയത്. കഴിഞ്ഞ ഒരു മാസത്തിനിടെ ഗാര്ഹിക ആവശ്യങ്ങള്ക്കുള്ള പാചകവാതകത്തിന് 80 രൂപയില് അധികമാണ് വില വര്ധിച്ചത്. ഡിസംബര് മാസത്തില് രണ്ട് തവണ പാചകവാതകത്തിന് വില കൂട്ടിയിരുന്നു. ഡിസംബര് ഒന്നിനും 16നും 50 രൂപ വീതമായിരുന്നു കൂട്ടിയത്.
ഇന്ധനവിലയില് തുടര്ച്ചയായി ഉണ്ടായ വര്ധനവ് ജീവിതച്ചെലവുകള് വര്ധിപ്പിച്ചിരിക്കുകയാണെന്ന റിപ്പോര്ട്ടുകള് വരുന്നതിന് പിന്നാലെയാണ് ഇപ്പോള് പാചകവാതക വിലയും വര്ധിപ്പിച്ചിരിക്കുന്നത്. പാചകവാതക വില വര്ധനവിനെതിരെ പ്രതിപക്ഷ പാര്ട്ടികള് പ്രതിഷേധവുമായി രംഗത്തെത്തിയിട്ടുണ്ട്.
