തിരുവനന്തപുരം: മൗറിഷ്യസുമായി പ്രതിരോധ കരാറിലും, സ്വതന്ത്ര വ്യാപാര കരാറിലും ഇന്ത്യ ഒപ്പുവെച്ചു. ആദ്യമായാണ് ഒരു ആഫ്രിക്കന് രാജ്യവുമായി വ്യാപാര കരാറില് ഇന്ത്യ ഏര്പ്പെടുന്നത്. കേന്ദ്ര വിദേശകാര്യമന്ത്രി ജയ്ശങ്കറാണ് ഇന്ത്യയെ പ്രതിനിധീകരിച്ച് തിങ്കളാഴ്ച കരാറില് ഒപ്പുവെച്ചത്.
വലിയ നിക്ഷേപ സാധ്യതകളാണ് മൗറിഷ്യസിലുളളതെന്ന് വിദേശകാര്യമന്ത്രി എസ്.ജയശങ്കര് പറഞ്ഞു. വ്യാപാര കരാര് ഒപ്പുവെച്ചതിലൂടെ മൗറിഷ്യസുമായി വ്യാപാര, സേവന മേഖലകളില് സമഗ്രപങ്കാളിത്തം ഉണ്ടാകുമെന്നും ജയ്ശങ്കര് വ്യക്തമാക്കി. വ്യാപാര കരാറിന് പുറമേ 100 മില്യണ് ഡോളറിന്റെ പ്രതിരോധ കരാറിലും മൗറിഷ്യസുമായി ഇന്ത്യ ഒപ്പുവെച്ചു. മൗറിഷ്യസ് സൈന്യത്തിന് ആവശ്യമായ ആയുധങ്ങള് ഇനി ഇന്ത്യ നല്കും.
ആഫ്രിക്കന് രാജ്യങ്ങളില് ചൈനീസ് നിക്ഷേപം വര്ധിക്കുന്ന സാഹചര്യത്തിലാണ് മൗറിഷ്യസുമായി ഇന്ത്യ സഹകരണം ശക്തമാക്കുന്നത്. ഒരു ഡോര്ണിയര് വിമാനവും, രണ്ട് ലൈറ്റ് കോംപാക്ട് ഹെലികോപ്റ്ററുകളും രണ്ട് വര്ഷത്തേക്ക് ഇന്ത്യ പാട്ടത്തിന് നല്കും. രാജ്യത്തിന്റെ വളര്ച്ചയ്ക്ക് ഇന്ത്യയുമായുളള സഹകരണം ഗുണം ചെയ്യുമെന്ന് മൗറിഷ്യസ് പ്രധാനമന്ത്രി പ്രവിന്ദ് ജുഗ്നൗത്ത് പറഞ്ഞു.
