രമേശ് ചെന്നിത്തലയുടെ രാഷ്ട്രീയ ജാഥയെ സ്വീകരിയ്ക്കാന് സര്വീസ് ചട്ടങ്ങള് ലംഘിച്ചു പോലീസുകാര്. എറണാകുളം ജില്ലയിലെ അഞ്ച് പോലീസുകാരാണ് ചെന്നിത്തലയെ ഷാളണിയിച്ചു സ്വീകരിച്ചത്. മുമ്പ് ജില്ലയില് പൊലീസ് അസോസിയേഷന് ഭാരവാഹികള് ആയിരുന്ന അഞ്ചു പേരാണ് സംഘത്തില് ഉണ്ടായിരുന്നത്. എഎസ് ഐമാരായ ഷിബു ചെറിയാന് (കണ്ട്രോള് റൂം), ജോസ് ആന്റണി (ജില്ലാ ഹെഡ്ക്വാര്ട്ടേഴ്സ്), ബിജു (കല്ലൂര്ക്കാട് പൊലീസ് സ്റ്റേഷന്)സിപിഒമാരായ സില്ജന് (ഡോഗ് സ്ക്വാഡ് കളമശ്ശേരി), ദിലീപ് സദാനന്ദന് (തൃപ്പൂണിത്തുറ ക്യാമ്പ്) എന്നിവരാണ് സംഘത്തില് ഉണ്ടായിരുന്നത്.
ചെന്നിത്തലയുടെ പര്യടനം എറണാകുളത്ത് എത്തിയപ്പോള് സര്വീസിലുള്ള പൊലീസുകാര് ചട്ടവിരുദ്ധ സ്വീകരണം നല്കിയത്. ചെന്നിത്തല, കെപിസിസി പ്രസിഡണ്ട് മുല്ലപ്പള്ളി രാമചന്ദ്രന്, ഡിസിസി പ്രസിഡണ്ട് ടി ജെ വിനോദ് തുടങ്ങിയവര്ക്കൊപ്പം ഇവര് ചിത്രവുമെടുത്തു.
സര്ക്കാര് ജീവനക്കാര് രാഷ്ട്രീയ പ്രവര്ത്തനങ്ങളില് ഏര്പ്പെടാന് പാടില്ലെന്നാണ് സര്വീസ് ചട്ടം. പൊലീസുകാര്ക്ക് കൂടുതല് കര്ശനമായ വ്യവസ്ഥയുണ്ട്. സ്വീകരണത്തെപ്പറ്റി സിറ്റി പൊലീസ് കമ്മീഷണര് റിപ്പോര്ട്ട് ആവശ്യപ്പെട്ടു. ഇന്റലിജന്സ് വിഭാഗം അന്വേഷണം ആരംഭിച്ചിട്ടുണ്ട്.
